सार्वजनिक ठाउँमा श्रीलङ्कामा बुर्का लगाउन प्रतिबन्ध

सार्वजनिक ठाउँमा श्रीलङ्कामा  बुर्का लगाउन प्रतिबन्ध

सार्वजनिक ठाउँमा श्रीलङ्कामा बुर्का लगाउन नपाउने भएको छ ।

राष्ट्रिय सुरक्षाको नाममा सार्वजनिक ठाउँमा बुर्का लगाउन प्रतिबन्ध लगाउँदै श्रीलङ्काले अनुहार ढाक्नैपर्ने भए अन्य तरिका अपनाउन भनेको बीबीसीले जनाएको छ ।

यस भन्दा अघि छोटो समयको लागि अनुहार ढाक्नलाई आपतकालीन उपायको रुपमा प्रतिबन्ध लगाइएको थियो तर अब यसलाई स्थायी रुपमै कार्यान्वयन गर्न लागिएको श्रीलङ्काका सुरक्षामन्त्री शरत वीरशेखरले बताउनुभएको छ।

सार्वजनिक ठाउँमा बुर्का लगाउन नपाउने भन्ने सम्बन्ध निर्णयमा मन्त्रिपरिषद्माको हस्ताक्षर भइसकेको र संसदले अनुमोदन गर्न बाँकी रहेको वीरशेखरको भनाइ छ ।

यस सम्बन्धी व्यवस्थालाई संसदले चाँडै पारित गर्ने र सार्वजनिक ठाउँमा बुर्का लगाउन नपाइने नियमलाई कडाइ गरिने सरकारी अधिकारीहरुले बताएका छन् । सन् २०१९ मा चर्च र होटलमा योजनाबद्ध तरिकाले आक्रमण भएसँगै यसखालको निर्णय लिनुपरेको श्रीलङ्काको सरकारले जनाएको छ।

सन् १०१९ को अप्रिलमा क्याथोलिक गिर्जाघर र होटलमा भएको हमलामा परेर २५० जनाको ज्यान गएको थियो । श्रीलङ्कामा बुर्कालाई धार्मिक चरमपन्थको प्रतीकको रुपमा लिने गरिन्छ । बुर्काका कारण राष्ट्रिय सुरक्षालाई असर पारेको र यसलाई स्थायी रुपमै रोक्न निर्णय लामो समयदेखि रोकिएर बसेको सरकारी अधिकारीहरुले बताएका छन् ।

Leave a Reply

Your email address will not be published. Required fields are marked *