अमिताभ र इमरानको ‘चेहरे’को ट्रेलर सार्वजनिक

अमिताभ र इमरानको ‘चेहरे’को ट्रेलर सार्वजनिक

मुम्बई । अभिनेता अमिताभ बच्चन र इमरान हाशमीको फिल्म ‘चेहरे’को ट्रेलर सार्वजनिक भएको छ । ट्रेलरमा रीया चक्रवर्ती समेतको झलक समेटिएको छ । रीयालाई ट्रेलरमा २ सेकेन्ड मात्र देखाइएको छ ।
अभिनेता सुशान्त सिंह राजपुतको मृत्युपछि रीयालाई कयौं आरोप लागेको थियो । उनलाई जेलमा पनि राखिएको थियो ।

ट्रेलरमा फिल्मको कथा सुरुदेखि अन्त्यसम्म निकै सस्पेन्सले भरिएको देखाइएको छ । ट्रेलरमा बर्फले ढाकेको पहाडको माथि एक गाडी समेत देखिएको छ । जसको व्याकग्राउण्ड अमिताभको डाइलग छ । अमिताभले भनेका छन्–‘यदि तपाईहरुमध्ये कसैले केही अपराध गर्नु भएको छ भने यहाँबाट सम्हालेर निस्कनुस् । किनभने यो खेल तपाइको साथ पनि खेल्न सकिनेछ ।’ अमिताभको डाइलगमा फिल्मको पुरै कहानी लुकेको छ ।

यसको अलवा ट्रेलरमा बर्फले भरिएको पहाडको बीचमा एक घर, न्यायको देवीको प्रतिमा, फासीका फन्दा, फैसला गर्दै गरेका न्यायाधीशलगायत कयौं झलक समेत रहेको छ । जुन फिल्मको महत्वपूर्ण हिस्सा हो । फिल्मको ट्रेलर निकै दमदार रहेको छ ।

फिल्मको पोस्टरमा भने रीयालाई टाढा राखिएको छ । ट्रेलरमा रीयाको झलक देखिएपछि सुशान्तका फ्यान भड्किन सक्छन् । फिल्ममा अमिताभ, इमरान, अलवा अन्नु कपुर, क्रिस्टल डिसुजा, ,धुतिमान चक्रवर्ती, रधुवीर यादव, र सिद्धान्त कपुर जस्ता स्टारको पनि अभिनय रहेको छ ।

Leave a Reply

Your email address will not be published. Required fields are marked *