भाेलिदेखि चार दिन विद्यालय बन्द गर्ने सरकारकाे निर्णय वायु प्रदूषण बढेका कारण

भाेलिदेखि चार दिन विद्यालय बन्द गर्ने सरकारकाे निर्णय वायु प्रदूषण बढेका कारण

वायु प्रदूषण बढेका कारण सरकारले चार दिन देशैभरका विद्यालय बन्द गर्ने निर्णय गरेको छ । शिक्षामन्त्री कृष्णगोपाल श्रेष्ठको अध्यक्षतामा मन्त्रालयमा बसेको आकस्मिक बैठकले बढ्दो प्रदूषणबाट विद्यार्थीलाई थप जोखिम रहेको भन्दै सम्पूर्ण शिक्षण संस्था बन्द गर्ने निर्णय गरेको मङ्गलवारदेखि शुक्रवारसम्म मन्त्रालयका सचिव रामप्रसाद थपलियाले जानकारी दिनुभयो ।

बैठकमा मन्त्री श्रेष्ठले वायुमण्डलमा देखिएको मौसम प्रतिकूलताका कारण शिक्षण संस्था बन्द गर्नुपरेको जानकारी दिनुभयो । बैठकमा शिक्षा सचिव रामप्रसाद थपलिया, विज्ञान सचिव डाक्टर सञ्जय शर्मा, मन्त्रालयका प्रवक्ता एवम् सहसचिव दीपक शर्मा, सहसचिव डाक्टर हरि लम्साल, शिक्षा, तथा मानव स्राेत विकास केन्द्रका महानिर्देशक वैकुण्ठ अर्याललगायतको उपस्थिति रहेको थियो ।

प्रधानमन्त्री केपी शर्मा ओलीसँग बैठक अघि मन्त्री श्रेष्ठले परामर्श गर्नुभएको थियो । मन्त्रालयमा भएको लगत्तै बैठकमा मन्त्री श्रेष्ठले लाखौँ विद्यार्थीमा हुन सक्ने स्वास्थ्य प्रतिकूलताका कारण सबै शिक्षण संस्था बन्द गर्नुपरेको बताउनुभयो ।

विद्यालय बन्द भए पनि पूर्वनिर्धारित तालिकाअनुसार परीक्षा सञ्चालन गरिरहेका विश्वविद्यालय तथा उच्च शिक्षा प्रदायक शिक्षण संस्थाहरूले स्वास्थ्य सजगता अपनाउँदै परीक्षाका कार्यक्रम सञ्चालन गर्न सक्ने मन्त्रालयले जनाएकाे छ ।

Leave a Reply

Your email address will not be published. Required fields are marked *