उपप्रधानमन्त्री महतोको मध्यरातमा स्पष्टीकरण : मैले बोलेको कुराको गलत प्रचार भयो

उपप्रधानमन्त्री महतोको मध्यरातमा स्पष्टीकरण : मैले बोलेको कुराको गलत प्रचार भयो
Share this

चारैतिर बाट बिभादभएपछी उपप्रधानमन्त्री एवम् सहरी विकास मन्त्री राजेन्द्र महतोले आफुले दिएको अभिव्यक्ति सच्याउनुभएको छ । राष्ट्रिय जनता पार्टी (राजपा)का वरिष्ठ नेता समेत रहेका उपप्रधानमन्त्री महतोले आफ्नो अभिव्यक्ति घुमाएर गलत प्रचार भएको समेत दाबी गर्नुभएको छ ।

उहाले शनिवार राति विज्ञप्ति निकालेर उहाँले राष्ट्रिय एकता र अखण्डताप्रति आफू पूर्ण प्रतिबद्ध रहेको र यसबारेमा कसैलाई पनि भ्रममा नराख्न आग्रह गर्नुभएको छ । ‘मैले संविधानको धारा ३ मा उल्लेख भएबमोजिम बहुजातीय, बहुभाषिक, बहुधार्मिक, बहुसांस्कृतिक विशेषतायुक्त, भौगोलिक विविधतामा रहेका समान आकाङ्क्षा र नेपालको राष्ट्रिय स्वतन्त्रता, भौगोलिक अखण्डता, राष्ट्रिय हित तथा समृद्धिप्रति आस्थावान रही एकताको सूत्रमा आबद्ध सबै नेपाली जनता समष्टिमा राष्ट्र हो भन्ने विषयलाई आत्मसाथ गर्दै यो राज्य सबै जातजाति, वर्ग, समूदाय, धर्म, लिंगको साझा राष्ट्र हो भन्ने आशय व्यक्त गरेको हुँ’, महतोले निकालेको विज्ञप्तिमा उल्लेख छ ।
यस विषय पार्टीको असन्तुष्टि सम्बोधन गर्न संविधान संशोधनको निम्ति गठित कार्यदलमा राखिने पनि उहाँले बताउनुभएको छ । यसअघि शुक्रवार पदभार ग्रहण गर्दै महतोले नेपाललाई बहुल राष्ट्रिय राज्यतिर लैजान मुक्ति आन्दोलनको तयारी गर्ने समेत बताउनुभएको थियो । उहाँको यो अभिव्यक्तिलाई लिएर विरोध भइरहेको छ । महतोको अभिव्यक्तिलाई लिएर एमालेको माधवकुमार नेपाल समूहसहित विपक्षी दल तथा विभिन्न सङ्घसंस्थाले विरोध गरेका छन् ।

अन्तिम अपडेट: 2021-June-06 समय 7:43 AM

202 पटक पढिएको

लेखक

बिष्णु प्रसाद बराल
बिष्णु प्रसाद बराल
पोखरामा रहेर पत्रकारिता क्षेत्रमा सक्रिय बिष्णु प्रसाद बराल असल खबरको सहकर्मी हुनुहुन्छ ।
Share this
WP2Social Auto Publish Powered By : XYZScripts.com