राजेशको हमालको आग्रह मानसिक रुपमा स्वस्थ हुन सचेत रहनुहोला।

राजेशको हमालको आग्रह मानसिक रुपमा स्वस्थ हुन सचेत रहनुहोला।

आफ्नो मनको भावना तथा विभिन्न बिषयमा सामाजिक संजालमा आफ्नो भनाई सार्वजनिक गर्दै आएका नायक राजेश हमालले कोभिडका कारण डर त्रास फैलिएको अवस्थामा मानसिक रुपमा स्वस्थ रहन सबैलाई आग्रह गरेका छन् ।उहाले, मानसिक रुपमा स्वस्थ रहनका लागि विभिन्न ज्ञानगुनका कुरा समेत दिएका छन् ।

नायक राजेश हमालले यस असामान्य परिस्थितीमा मानिसको मानसिकतामा पनि असामान्य प्रभाव पर्न सक्ने भन्दै यसका लागि सचेत रहन सबैलाइ आग्रह गरेका छन् ।
नायक हमालले मनलाई हल्का राख्नका लागि आफ्नो ध्यान जुन कुरामा रहन्छ त्यो कार्य गर्न आग्रह गरेका छन् ।
उहाले भनुभएको छ।‘चाहे त्यो घरको सदस्यहरुसँग बसेर रमाइला कुराहरु शेयर गर्ने, केही जोक्सहरु भन्ने, हाँसी मजाकका कुराहरु गर्ने या तपाइको गार्डेन छ भने त्यहाँ समय बिताउन सक्नुहुन्छ । खाना बनाउन मनपर्छ भने त्यसमा पनि आफूलाई इन्गेज राख्न सक्नुहुन्छ । व्यायम गर्नुहोस् ।यदी सक्नुहुन्छ भने केहीबेर ध्यान गरेर आफ्नो दिमागलाई असाध्यै फ्रेस र पोजिटिभ राखिरहन सक्नुहुन्छ ।’
मानसिक सन्तुलनका लागि सधै सचेत रहन अपिल गरेका छन् । नायक हमालले समाचारमा पनि आफूलाई धेरैबेर नखर्चिन आग्रह गरेका छन् । समाचार थाहा पाउन एउटा मात्र श्रोतको भर पर्न र अरु समय स्वच्छ हावामा हिडडुल गर्न पनि आग्रह गरेका छन् ।
हमालले केही कुराहरु लेखेर आफ्ना घरका सदस्यहरुलाई शेयर गर्न सकिने पनि बताएका छन् ।

Leave a Reply

Your email address will not be published. Required fields are marked *