१८ गतेदेखि सबै गाडी सडकमा निकाल्ने सरकारले निर्णय नगरे व्यवसायीको चेतावनी

१८ गतेदेखि सबै गाडी सडकमा निकाल्ने सरकारले निर्णय नगरे व्यवसायीको चेतावनी
Share this

यातायात व्यवसायीहरूले देशैभर नै सार्वजनिक गाडी खुलाउनुपर्ने माग राखेका छन् । नेपाल यातायात राष्ट्रिय व्यवसायी महासङ्घ, नेपाल यातायात मजदुर सङ्घ, नेपाल यातायात स्वतन्त्र मजदुर सङ्गठन र अखिल नेपाल यातायात मजदुर सङ्घले संयुक्त विज्ञप्ति निकालेर २५ सिटमाथिका गाडी मात्रै सञ्चालन गर्ने काठमाण्डौ उपत्यकाका जिल्ला प्रशासन कार्यालयको निर्णय अव्यावहारिक भएको बताएका छन् ।
अरू क्षेत्रहरु पनि बिस्तारै खुल्दै गएको अवस्थामा यातायात क्षेत्रलाई पूर्णरूपमा खुल्न नदिने स्थानीय सरकारको निर्णय अव्यावहारिक भएको बताउँदै व्यवसायीले सरकारले आवश्यक निर्णय नगरे आउँदो १८ गतेदेखि सबै सार्वजनिक गाडी सडकमा निकाल्ने चेतावनी पनि दिएका छन् । आफूहरूले दिएको सुझावलाई बेवास्ता गरी सरकारले एकलौटी निर्णय गरेको व्यवसायीहरूले आरोप लगाएका छन् ।
यस्तै व्यवसायीहरूले २०६९ सालदेखि भाडामा समायोजन नभएको भन्दै भाडादरलाई पनि वैज्ञानिक बनाउन सरकारसँग माग गरेका छन् । उनीहरूले यातायात क्षेत्रका मजदुरका लागि कोरोना भाइरसविरुद्धको खोप दिने विषय प्राथमिकतामा राखी कार्यान्वयन गर्न पनि आग्रह गरेका छन् ।

 

अन्तिम अपडेट: 2021-June-29 समय 3:25 PM

239 पटक पढिएको

लेखक

बिष्णु प्रसाद बराल
बिष्णु प्रसाद बराल
पोखरामा रहेर पत्रकारिता क्षेत्रमा सक्रिय बिष्णु प्रसाद बराल असल खबरको सहकर्मी हुनुहुन्छ ।
Share this
WP2Social Auto Publish Powered By : XYZScripts.com