थप चीनबाट खोप आएलगतै खाेप अभियानले निरन्तरता पाउने

थप चीनबाट खोप आएलगतै खाेप अभियानले निरन्तरता पाउने
Share this

चीनबाट खोप आएपछि फेरी पनि खोप अभियानले निरन्तरता पाउने भएको छ । मौज्दातमा रहेको खोप सकिएकाले काठमाण्डौमा खोप अभियान स्थगित भएको छ ।
अरु जिल्लाहरुमा प्रशासन र पालिकाको समन्वयमा केन्द्र र दिन तोकेर खोप लगाउने काम भइरहेको छ । आउँदो साउन ७ गतेपछि फेरि चीनबाट खोप आउन थाल्ने भएकाले अभाव नहुने खोप शाखा प्रमुख डाक्टर झलक शर्मा गौतमले जानकारी दिनुभयो ।
खोप आउनेबित्तिकै यसअघि छुट्याइएको प्राथमिकताअनुसार उमेर र समूहको आधारमा खोप लगाइने उहाँले बताउनुभयो । यसअघि अर्को लटको खोप लिन वायु सेवा निगमको जहाज अस्ति चीन जाने भने पनि जहाजको तालिका परिवर्तन गरेर एक हप्ता पर सारिएको हो ।
निगमले आउँदो ६ गतेदेखि तीन उडानमार्फत नियमित खोप ल्याइने जनाएको छ । निगमकाअनुसार चीनसँग खरिद गरिएका खोप लिन ६ गते गएर ७ गते बिहान खोप लिएर जहाज नेपाल आउने छ । यस्तै साउन ७ गते फेरि जहाज गएर साउन ८ गते र साउन ९ गते गएर जहाजले साउन १० गते खोप नेपाल ल्याउने छ । यसअघि असार २५ गते आठ लाख मात्रा खोप चीनबाट ल्याइएको थियो । यसैगरी सरकारले खरिद गर्नेबाहेक कोभ्याक्स सुविधामार्फत पनि खोप ल्याइरहेको छ ।
नेपालमा हाल सम्म ६५ लाख ८२ हजार ८५० मात्रा खोप आइसकेको छ । सरकारले १८ वर्षभन्दा माथिका दुई करोड २० लाख जनसङ्ख्यालाई खोप लगाउने लक्ष्य लिएको छ ।

अन्तिम अपडेट: 2021-July-17 समय 7:55 AM

222 पटक पढिएको

लेखक

बिष्णु प्रसाद बराल
बिष्णु प्रसाद बराल
पोखरामा रहेर पत्रकारिता क्षेत्रमा सक्रिय बिष्णु प्रसाद बराल असल खबरको सहकर्मी हुनुहुन्छ ।
Share this
WP2Social Auto Publish Powered By : XYZScripts.com