एकै दिन थपिए साढे ६ लाख कोरोना संक्रमित विश्वमा

एकै दिन थपिए साढे ६ लाख कोरोना संक्रमित विश्वमा
Share this

असल खबर– विश्वभर कोरोना संक्रमण दर फेरी उकालो लाग्दै गएको छ। गएको २४ घण्टामा साढे ६ लाख मानिसमा नयाँ संक्रमण पुष्टि भएको छ।
जसमध्ये अमेरिकामा ८५ हजार, भारतमा ४४ हजार ७००, ब्राजिलमा ४१ हजार ८००, वेलायतमा ३१ हजार १००, फ्रान्समा २५ हजार २००, रसियामा २३ हजार ३००, टर्कीमा २२ हजार १०० र अर्जेन्टिनामा १४ हजार १०० जनामा संक्रमण पुष्टि भएको छ।

यस अवधिमा १० हजार १४० जनाको संक्रमितको मृत्यु भएको छ। यससँगै मृतकको संख्या ४२ लाख १३ हजार नजिक पुगेको छ। गत २४ घण्टामा ब्राजिलमा १ हजार ३५४, रसियामा ८००, भारतमा ५४९, अमेरिकामा ३७१, अर्जेन्टिनामा २९१, वेलायतमा ८५ जनाको मृत्यु भएको भएको छ।
कुल १९ करोड ७३ लाख संक्रमितमध्ये १७ करोड ८४ लाखभन्दा बढी निको भइसकेका छन्। सक्रिय संक्रमितको संख्या १ करोड ४६ लाख रहेको छ।    एजेन्सी

अन्तिम अपडेट: 2021-July-30 समय 9:16 AM

45 पटक पढिएको
Share this