कोरोना भाइरसको डेल्टा भेरियन्ट चीनमा फैलिँदै

कोरोना भाइरसको डेल्टा भेरियन्ट चीनमा फैलिँदै
Share this

असल खबर – कोरोना भाइरसको डेल्टा भेरियन्ट चीनमा फैलिँदै गएको छ । गएका केहि दिनहरूमा विश्वका अरु प्रभावित देश जस्तै नयाँ प्रकारको डेल्टा भेरियन्टबाट सङ्क्रमित हुनेको सङ्ख्या बढ्न थालेको हो।
बितेको २४ घण्टामा मात्रै थप ५५ जनामा सङ्क्रमण पुष्टि भएको छ । सङ्क्रमितमध्ये ३० जना व्यक्तिमा स्थानीय रूपमा फैलिएको सङ्क्रमण भेटिएको छ भने बाँकी विदेशबाट पुगेका यात्रुमा भेटिएको चाइना डेलीले जनाएको छ ।
चिनियाँ राष्ट्रिय स्वास्थ्य आयोगका अनुसार जिआङ्सुुमा १९, हुनानमा ६, चोङकिङमा २ र लियोनिङ, फुजियान र सिचुआनमा एक/एक जनामा सङ्क्रमण पुष्टि भएको हो । चीनको नान्जिङ सहरबाट कोरोना भाइरस अन्त फैलिएको हो ।
गएको जुलाई २० मा नान्जिङ विमानस्थलमा एक जनामा कोरोना भाइरस फेला परेको थियो । त्यसपछि करिब दुई सय जना सङ्क्रमित भइसकेका छन् ।

अन्तिम अपडेट: 2021-August-01 समय 7:47 AM

35 पटक पढिएको
Share this