अनमोल केसीले म्युजिक भिडियोमा काम गर्न मान्दैनन

अनमोल केसीले म्युजिक भिडियोमा काम गर्न मान्दैनन
Share this

असल खबर -पहिलो चरणको लकडाउनपछि नै नेपाली चलचित्रको बजार ठप्पै छ । डेढ बर्षदेखि नेपाली चलचित्रको काम नहुँदा कलाकारका लागि म्युजिक भिडियो भने ठुलो राहत बनेको छ । चलचित्रको काम नहँुदा कलाकारहरुले म्युजिक भिडियोमा आफूलाई व्यस्त बनाएका छन् । भिडियोबाट डेढ बर्षमा करोडौं कमाउने केही नायक तथा नायिकाहरु पनि छन् ।
यसमा केही कलाकार भने अपवाद छन् । जसले महंगो पारिश्रमिकको अफर गर्दा पनि भिडियोमा काम गर्ने मन बनाएनन् । यसमा नायक अनमोल केसी पनि पर्छन् । अनमोल केसीलाई ७ लाखसम्म पारिश्रमिक दिएर भिडियोमा अफर नभएको होइन । तर, अनमोलले आफूलाई रिजर्भ नै राखेका छन् । पहिलो चरणको लकडाउनपछि अनमोलले चलचित्र ‘ए मेरो हजुर ४’को छायांकन भने सकाएका छन् ।
नायक केसीले म्युजिक भिडियोमा काम नगर्नुको बिषयमा सबै कलाकारको आ–आफ्नै सोच हुन्छ उनले भने । म म्युजिक भिडियोलाई उच्च सम्मान गर्छु । भिडियोले दर्शकलाई मनोरञ्जन दिने काम गरिरहेको छ । तर, मलाई चलचित्रमा मात्र देखिऔं भन्ने लाग्छ । आफूलाई भिडियोमा काम गर्न मन नपरेको भन्दा पनि चलचित्रको गीतमा मात्र दर्शकमाझ आउने सोच हो ।’ अनमोलले भिडियोका लागि कलाकार तथा प्राविधिकहरुले गरेको कामलाई उच्च सम्मान गर्ने बताए ।
अनमोलले आफ्नो चलचित्र ‘ए मेरो हजुर ४’ दर्शकमाझ चाडै आउने समेत जानकारी दिएका छन् । अनमोल चलचित्र ‘एक्स ९ र पारस’को काम सुरु गर्ने तयारीमा समेत छन् ।

अन्तिम अपडेट: 2021-August-28 समय 8:17 AM

120 पटक पढिएको

लेखक

बिष्णु प्रसाद बराल

बिष्णु प्रसाद बराल
पोखरामा रहेर पत्रकारिता क्षेत्रमा सक्रिय बिष्णु प्रसाद बराल असल खबरको सहकर्मी हुनुहुन्छ ।

Share this
Powered By : Asal Sathi Media