फिफा विश्वकप-२०२२ को छनोट अर्जेन्टिना र ब्राजिलबीचको खेल रद्ध

फिफा विश्वकप-२०२२ को छनोट अर्जेन्टिना र ब्राजिलबीचको खेल रद्ध
Share this

असल खबर-फिफा विश्वकप सन् २०२२ को छनोट अर्जेन्टिना र ब्राजिलबीचको खेल रद्ध भएको छ । ब्राजिलमा सुरु भएको खेल केही मिनेटमै रद्ध भएको हो ।
खेल सुरु भएको केहिसमयामा नै ब्राजिलको अधिकारिक स्वास्थ्य निकाय एन्भिसाका प्रतिनिधिले अर्जेन्टिनाका खेलाडीले क्वरेण्टीनको नियम तोडेको भन्दै मैदानभित्र प्रवेश गरेका थिए ।
स्वास्थ्य प्रतिनिधिले मैदान पसेर अर्जेन्टिनाका खेलाडीलाई रोक्न खोजे पछि रेफ्रीले खेल रोकेका थिए । अर्जेन्टिनाको टोलीमा इङ्ग्लिस प्रिमियर लिग खेल्ने चार खेलाडी रहेको र ब्राजिल प्रवेश गर्न बेलायतबाट आउने जोकोहीले १४ दिन क्वरेण्टीन बस्नुपर्ने नियम छ । तर, अर्जेन्टिनाका ती खेलाडीले नियम तोडेकाले डिपोर्ट (देश निकाला) गर्नुपर्ने बताएको थियो ।
नियमअनुसार यी चार खेलाडीले देश छोड्नुपर्ने वा १४ दिन क्वरेण्टीन बस्नुपर्ने प्रावधान छ । अर्जेन्टिनाले मैदान छाडेको एक घण्टासम्म पनि ब्राजिलका खेलाडीले खेल सुरु हुने आशमा मैदान छाडेका थिएनन् । तर खेल सुरु हुन नसक्ने भएपछि रेफ्रीले खेल रद्ध भएको घोषणा गरे ।

अब रेफ्रीले आफ्नो अधिकारिक रिपोर्टमा लेखेको विवरणका आधारमा फिफाको अनुशासन समितिले यो खेलबारे निर्णय गर्ने बीबीसीले जनाएको छ ।

अन्तिम अपडेट: 2021-September-06 समय 8:29 AM

54 पटक पढिएको
Share this