Logo

    विश्वकप फुटबल आजदेखि शुरु हुदै

    विश्वकप फुटबल आजदेखि शुरु हुदै बिष्णु प्रसाद बराल २०७९ मंसिर ४, आईतवार ०८:१८ मा प्रकाशित

    असल खबर।चार वर्षकोअन्तरालपछि आज विश्व फुटबलको महाकुम्भ हुदैछ। उत्कृष्ट र चर्चित फुटबल खेलाडी आइतबारदेखि कतारको खेल मैदानमा भेला हुँदै छन् । आयोजक राष्ट्र कतारले आइतबार इक्वेडरसँग खेलेलगत्तै विश्वकपको २२औँ संस्करण सुरु हुनेछ । उत्कृष्ट ३२ राष्ट्रका खेलाडी विश्वकपका लागि छनोट भएका भने आफ्ना समर्थकको साथसहित मैदानमा बलियो उपस्थिति देखाउने प्रयत्नमा हुनेछन् ।
    कतार विश्वकपमा ३२ राष्ट्र सहभागी हुने अन्तिम विश्वकप हुनेछ । अमेरिका र मेक्सिकोमा संयुक्त रूपमा आयोजना हुने विश्वकपको अर्को संस्करणमा ४८ राष्ट्रको सहभागिता रहने भएको छ । मध्यपूर्वी तथा अरब देशमा आयोजना भएको यो पहिलो विश्वकप हो । सन् १९९४ मा साउदी अरबले विश्वकपमा सहभागिता जनाएपछि अरब देशका लागि कतार विश्वकपको आयोजना सबैभन्दा ठूलो उपलब्धि हो । यसैगरी एसियामा हुने यो दोस्रो विश्वकप हो । सन् २००२ मा जापान र दक्षिण कोरियाले संयुक्त रूपमा विश्वकप आयोजना गरेको थियो । ३२ टिमले २९ दिनमा कुल ६४ खेल खेलेपछि विश्वकपको समापन लुसैल रङ्गशालामा हुनेछ ।

    यस संस्करणलाई यस पुस्ताका दुई सर्वश्रेष्ठ खेलाडी क्रिस्टियानो रोनाल्डो र लियोनेल मेसीको अन्तिम विश्वकपका रूपमा पनि लिइएको छ । अब यी दुई खेलाडीलाई विश्वकपको मैदानमा पुनः नदेखिने प्रायः पक्का छ । रोनाल्डो र मेसी मात्र होइन, रोबर्ट लेवान्डोस्की, लुइस सुवारेज, लुका मोड्रिच, डानी अल्भेज, म्यानुअर नुअर र थोमस मुलरजस्ता विश्वप्रसिद्ध फुटबलरको पनि अन्तिम विश्वकपका रूपमा हेरिँदै छ ।
    त्यसो त विश्वकप फुटबलजस्तो ठूलो प्रतियोगितामा उपाधि विजेताको ठोकुवा गर्न सकिँदैन । तर विश्वकपको मञ्चमा हुने श्रेष्ठताको लडाइँमा यसपालि ब्राजिल र अर्जेन्टिनालाई प्रमुख उपाधि दाबेदारका रूपमा लिइएको छ । त्यसपछि फ्रान्स, इङ्ग्ल्यान्ड र स्पेनलाई पनि विश्वकप जित्न सक्ने टिमका रूपमा आकलन गरिएको छ । प्रसिद्धि कमाउने र आपूmलाई महान् बनाउने ठूलो मञ्चमा नेयमार, किलियन एमबापे, केभिन डी बु्रयन, करिम बेन्जामा, रोबर्ट लेवान्डोस्की, हेरी केनजस्ता उत्कृष्ट खेलाडी चम्किने अपेक्षा गरिएको छ ।

    आयोजक कतारको भने घरेलु मैदानमा प्रमुख लक्ष्य नकआउट चरणमा पुग्ने हुनेछ । कतारको अर्को लक्ष्य सफल आयोजना गरेर विश्वको मन जित्नु हो । अहिलेसम्मका विश्वकपमा एक मात्र आयोजक राष्ट्र समूह चरण पार गर्न असफल भएको छ । सन् २०१० मा दक्षिण अफ्रिका घरेलु मैदानमा खेलेर पनि समूह चरणबाट अघि बढ्न सकेको थिएन ।
    यसपटकको विश्वकपमा कतिपय उत्कृष्ट खेलाडी भने चोटका कारण अभागी साबित भएका छन् । फ्रान्सका पल पोग्बा, एन्गोलो कान्टे, अर्जेन्टिनाका पाउलो डिबाला, अस्ट्रियाका डेभिड अलाबा, पोर्चुगलका डिएगो जोटा, जर्मनीका टिमो वेर्नर, इङ्ग्ल्यान्डका रिस जेम्स र सेनेगलका साडियो माने भने विश्वकपका लागि आफ्नो टिममा चयन भएर पनि प्रशिक्षणक्रममै घाइते हुँदा मैदानबाहिर रहनेछन् । नर्वेका इर्लिङ हालान्ड, इजिप्टका मोहम्मद सलाह, इटालीका गियान्लुगी डोनारुमा र कोलम्बियाका लुइस डियाजजस्ता खेलाडी आफ्नो टिममा चयन नहुँदा मैदानबाहिर रहने छन् । एसियाका सर्वश्रेष्ठ फुटबल खेलाडी दक्षिण कोरियाका सन हिउङ मिन पनि चोटका कारण विश्वकप खेल्नेमा शङ्का छ ।

    फुटबलप्रति अत्यधिक आकर्षण रहेको नेपालमा पनि विश्वकपको माहोल बनिसकेको छ । विश्वकपकै दिन प्रतिनिधि सभा र प्रदेश सभाको निर्वाचन भए पनि फुटबलपे्रमीको ध्यान विश्वकपले आकर्षित गर्ने पक्का छ । यतिबेला नेपाली फुटबलपे्रमी आफ्नो समर्थनको देशको पक्षमा सामाजिक सञ्जाल र सार्वजनिक छलफलमा बहस गरिरहेका भेटिन्छन् । कतिपय नेपाली समर्थक भने कतार रङ्गशालामै पुगेर महाकुम्भको अनुभव गर्ने तयारीमा छन् । रासस 

    विश्वकपमा कुन समुहमा  छन् :

    समुह ए

    १- कतार
    २- नेदरल्यान्ड्स
    ३- सेनेगल
    ४- इक्वेडर

    समुह बि

    १- इङल्याण्ड
    २- अमेरिका
    ३- इरान
    ४- वेल्स

    समुह सी

    १- अर्जेन्टिना
    २- मेक्सिको
    ३- पोल्याण्ड
    ४- साउदी अरेबिया

    समुह डी

    १- फ्रान्स
    २- डेनमार्क
    ३- ट्युनिसिया
    ४- अस्ट्रेलिया

    समुह इ

    १- स्पेन
    २- जर्मनी
    ३- जापान
    ४- कोस्टारिका

    समुह एफ

    १- बेल्जियम
    २- क्रोसिया
    ३- मोरक्को
    ४- क्यानाडा

    समुह जी

    १- ब्राजिल
    २- स्वीटजरल्याण्ड
    ३- सर्बिया
    ४- क्यामरुन

    समुह एच

    १- पोर्चुगल
    २- उरुग्वे
    ३- दक्षिण कोरिया
    ४- घाना

    तपाइँको प्रतिक्रिया ?
    प्रतिक्रिया दिनुहोस्

    लोकप्रिय समाचार
    ताजा समाचार
    Pokhara Diesel Ads
    New Marwadi Bhojanalay Ads

    Mohit Group Ads
    Deep Hospital Ads
    Kishan Pipe Ads
    Okhati Soap Ads
    ट्रेंडिंग समाचार