युनाइटेड अरब इमिरेट्सको चर्चित शहर दुबईको एउटा आवासीय भवनमा आगलागी हुँदा १६ जनाको मृत्यु भएको छ भने ९ जना घाइते भएका छन् ।
दुबईको पुरानो क्षेत्र अल रस भन्ने ठाउँबाट आगलागी शुरु भएको बताइएको छ । यो क्षेत्र धेरै आप्रवासी र व्यापारीहरुको आवास क्षेत्र पनि हो । स्थानीय संचार माध्यमहरुका अनुसार पाँच तल्ले भवनको चौथो तलाबाट आगलागी शुरु भएको थियो ।
दुबई सिभिल डिफेन्सले निर्माण सुरक्षा र सुरक्षा आवश्यकताहरूको पालना नगरेका कारण घटना घटेको बताइएको छ । स्थानीय समय अनुसार शनिबार राति पौने १ बजे अग्नि नियन्त्रकहरु घटनास्थलमा पुगेका थिए ।
अल-रस क्षेत्र पर्यटकहरुको आकर्षणको केन्द्रविन्दु रहेको शहरकै सुन र मसला बजार नजिक छ । घटनाका विषयमा थप अनुसन्धान भइरहेको दुबईको नागरिक सुरक्षा निकायले स्थानीय पत्रिका द नेसलनलाई बताएको छ ।
यो समाचार पढेपछि तपाईलाई कस्तो लाग्यो
यो समाचार प्रति आफ्नो प्रतिक्रिया दिनुहोस्
थप समाचारहरु
