रुसले युरोपेली मुलुकहरुमा गर्दै आएको कच्चा तेलको आपूर्ति कटौती गर्ने भएको छ । युक्रेन युद्धमा साथ नदिएको भन्दै रुसले पश्चिमामा मुलुकमा तेलको आपूर्ति घटाएर एसियाली मुलुकहरुमा आपूर्ति गर्ने योजना बनाएको छ ।
पछिल्लो समय रुसको सम्बन्ध एसियाका ठूला मुलुक चीन र भारतसँग नजिकिएकाले पनि आपूर्तिलाई प्रभावित पारेको विश्लेषकहरुले बताएका छन् । रुसी उपप्रधानमन्त्री अलेक्ज्याण्डर नोभाकले सो जानकारी दिनुभएको हो ।
रुसले सन् २०२२ मा एसियामा करिब ४ करोड टन कच्चा तेल र तेल उत्पादन र युरोपमा १८ करोड टन निर्यात गरेको नोभाकले ऊर्जा सम्बन्धित कार्यक्रममा पत्रकारहरूलाई बताउनु भएको छ ।
यो वर्ष १४ करोड टन तेल र तेल उत्पादन पूर्वतर्फ पठाउने योजना रहेको उहाँको भनाइ छ । यस अघि भइरहेको तेलको आपूर्तिलाई घटाएर करिब ८०-९० मिलियन टन मात्रै पश्चिमतर्फ पठाइनेछ ।
यो समाचार पढेपछि तपाईलाई कस्तो लाग्यो
यो समाचार प्रति आफ्नो प्रतिक्रिया दिनुहोस्
थप समाचारहरु
