काठमाडौं – नेपालमा पहिलो पटक आयोजना गरिएको टेवल टेनिस लिगको उपाधि एभिएम टेवल टेनिस क्लवले जितेको छ । लैनचौरस्थित राष्ट्रिय टेबल टेनिस प्रशिक्षण केन्द्रमा आयोजना गरिएको लिगमा आज भएको फाइनल प्रतिस्पर्धामा विभागीय टोली नेपाल पुलिसलाई पराजित गर्दै एभिएम विजयी भएको हो ।
विजेता बनेको एभिएमले उपाधि सहित पुरस्कारमा दुई लाख रुपियाँ नगद र रनिङ शिल्ड प्राप्त गरेको छ । उपविजेता पुलिसले एक लाख पुरस्कार पायो भने तेस्रो हुने टोलीलाई ५० हजार रुपैंया पुरस्कार प्रदान गरियो । नेपालमा पहिलो पटक विदेशी खेलाडीलाई सम्मिलित गराइ खेलाइएको लिग च्याम्पियन्स टेबल टेनिस एकेडेमीले आयोजना गरेको हो ।
मङ्सिर १९ बाट सञ्चालन गरिएको प्रतियोगितामा नौ वटा टोलीको सहभागिता रहेको आयोजकले संस्थाकी अध्यक्ष नेपाल महिला टेवल टेनिस च्याम्पियन नविता श्रेष्ठले जानकारी दिनुभयो ।।
लेखकको बारेमा
- असल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।
लेखकसँग सम्बन्धित खबरहरु
