कुशल मल्लको अल्राउण्ड प्रदर्शनमा टी-२० खेलमा आयरल्याण्ड ए विरुद्ध नेपालले लगातार दोस्रो जित निकालेको छ । नेपालले आयरल्याण्ड ए माथि ७१ रनको रवाफिलो जित निकालेको हो ।
नेपालले दिएको १९९ रनको लक्ष्य पछ्याएको आयरल्याण्ड ए १८.३ ओभरमा १२७ रन बनाउँदा अलआउट भयो ।यसअघि पहिलो खेलमा सोमबार नेपालले वुल्भ्सलाई ६ विकेटले हराएको थियो ।
कीर्तिपुरस्थित त्रिवि अन्तर्राष्ट्रिय क्रिकेट मैदानमा टस जिती पहिले ब्याटिङको निर्णय लिएको नेपालले निर्धारित ओभरमा सात विकेट गुमाएर एक सय ९८ रन बनाएको थियो ।
आयरल्यान्डका ओपनरद्वय रोस एडियर र स्टेफिन डोहेनीले आक्रामक सुरुवात गरेका थिए। दुईबीच पाँच ओभरमा ४३ रनको साझेदारी भएको थियो।
रोस १७ रन र डोहेनी १३ बलमा २६ रन बनाएर आउट भए।
त्यसपछि कारमाइकल १८ रन र मोर्गन टपिङ २१ रनमा आउट भए। कप्तान निल रकले १७ रन मात्र बनाउन सके। गभिन होए १ रन र फिन ह्यान्ड ५ रनमै आउट भए।
आयरल्यान्डविरुद्ध नेपालका कुशल मल्लले अलराउन्ड प्रदर्शन गरे । उनले बलिङतर्फ ३ ओभरमा १५ रन खर्चिएर ३ विकेट हात पारे ।
त्यसअघि उनले ब्याटिङमा १३ बलमा ३४ रन जोडेका थिए । सोमपाल कामीले पनि २.३ ओभरमा १७ रन खर्चिएर ३ विकेट लिए । कुशल भुर्तेल, विवेक यादव र करण केसीले पनि एकएक विकेट हात पारे ।
लेखकको बारेमा
- असल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।
लेखकसँग सम्बन्धित खबरहरु
