काठमाडौं, ६ पुस । विराटनगरस्थित नोवेल मेडिकल कलेज टिचिङ्ग हस्पिटलमा भित्रिएको शल्यक्रिया नगरी मुटुको प्वाल टाल्ने उपचार विधिले विरामीलाई उचारमा सहज भएको छ । हस्पिटलले लेटाङ्गका २३ बर्षीय अमिस मगरको मुटुको प्वाल विना शल्यक्रिया टालिएको छ ।
नोवेलका मुटुरोग बिषेशज्ञ प्रा.डा.राजेश नेपाल नेतृत्वको चिकित्सा टोलीले ए.एस.डी. क्लोजर (ASD Device Closure) प्रविधीबाट मुटुको जन्म जात प्वाल टालेको हो । त्यस्तै, नोवेलमा सोही प्रविधिको प्रयोगमार्फत राजविराजका २६ वर्षीय मञ्जुदेवी पण्डितको पनि मुटुको प्वालको पचार गरिएको छ ।
मुटुरोग विषेशज्ञ प्रा.डा. नेपालका अनुसार ए.एस.डी.भनेको मुटुमा हुने प्वाल हो । यो जन्म जात हुन्छ । धेरै मानिसहरुले यसलाई पहिला थाहा पाउदैनन् । पछिमात्र थाहा पाउछन् । किन भने लक्षण पछिमात्र देखा पर्न थाल्छ । अन्य कारणले इकोकार्डियोग्राम गर्दा थाहा हुन्छ । मुटुको प्वाल शल्यक्रिया गरेर वा नशाबाट छाता जस्तो सामाग्री (ए.एस.डी.डिभाईस) छिराएर प्वाल परेको स्थानमा टाल्ने गरिन्छ । मुटु जाँचको क्रममा टी.ई.ई. भन्ने परीक्षण गरे पश्चात भोको रहेको ६ घण्टापछि क्याथ ल्यावमा यो प्रकृया गर्ने गरिन्छ । १५ देखि २० मिनटमा हुने यो प्रकृया सकिएको २३ घण्टापछि खाना खान मिल्ने हुन्छ । मुटुको प्वाल टालेको एक दिनपछि विरामीलाई घर पठाउन मिल्ने डा. नेपालको भनाई छ ।
नोवेलमा उक्त प्रविधिबाट मुटुको प्वाल टाल्ने विरामीको संख्या अहिले बढेको छ । मुटु रोगको पहिचान, सवै प्रकारका मुटुका समस्याहरुको उपचार र नेपाल सरकारको विपन्न नागरिक औषधी उपचार कोष अन्तर्गतका सेवा उपलव्ध हुने भएकोले विरामीलाई नोवेल आई उपचार गर्न सहज भएको महाप्रबन्धक दिपेश राईले जानकारी दिए ।
नोवेलमा मुटु रोग, फोक्सो रोग, न्यूरो सर्जरी, न्यूरोलोजी, नेफ्रोलोजी, ग्यास्ट्रोइन्टेरोलोजी, अन्कोलोजी, इण्डोक्राइनोलोजी, हेपाटोलोजी, यूरो सर्जरी, ल्यापारोस्कोपिक सर्जरी, आई.भि.एफ., हेपाटो सर्जरी, बाथ रोग लगायतका विशिष्ट सेवाहरु लिन सकिन्छ । नोवेलमा पूर्वी नेपालका र भारतीय विरामीहरुको चाप उच्च हुने गरेको छ ।
लेखकको बारेमा
- असल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।
लेखकसँग सम्बन्धित खबरहरु
