दोस्रो हारपछि निराश रोहित: म शून्य रनमा आउट हुनुनै निराशाजनक थियो, हारको जिम्मेवारी लिन्छु
काठमाडौं,९ फागुन । नेपाली राष्ट्रिय क्रिकेट टिमका कप्तान रोहितकुमार पौडेलले नामिबियाविरुद्धको खेलमा आफ्नो तर्फबाट पनि कमजोरी रहेको भन्दै आजको हारको जिम्मेवारी आफूले लिने बताएका छन् ।
आईसीसी विश्वलिग २ अन्तर्गतको नामिबियाविरुद्धको दोस्रो खेलमा नेपाल आज २ विकेटले पराजित भएको थियो । नेपालले टस हारेर सुरुवातमा ब्याटिङ गरेको थियो । सुरुआतमा ब्याटिङ गरेको नेपालले भरपर्दा ब्याटरहरु अनिल साह, देव खनाल र कप्तान रोहितलाई शून्य रनमै गुमाएको थियो ।
खेलपछि आयोजित पत्रकार सम्मेलनमा बोल्दै रोहितले आफू शून्य रनमा नै आउट हुनु टिमकै लागि निराशाजनक भएको बताएका छन् । उनले आजको खेलमा बलरहरुले निक्कै राम्रो गरेको भन्दै केही ब्याटरबाट रन बन्न नसकेको बताए ।
‘म शून्यमा आउट हुनु नै निराशाजनक थियो। त्यसको जिम्मेवारी म लिन्छु। नेपालबाट सोचे जस्तो सुरुवात भयो। पावर प्ले पनि राम्रो थियो’, उनले भने, ‘तर मेरो र दीपेन्द्र दाइको विकेटले टोलीलाई दबाब भयो। हामी २०० देखि २५० पुग्छौँ भन्ने थियो। तर त्यस्तो हुन सकेन।’
उनले क्रिकेटमा केही अनुमान गर्न नसकिने बताए। ‘नामिबियाले पनि मिहिनेत गरेको छ’, उनले भने, ‘हाम्रा बलरहरूले शतप्रतिशत दिएका छन् तर ब्याटिङमा केही कमजोरी भएको छ।’ file photo
लेखकको बारेमा
- असल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।
लेखकसँग सम्बन्धित खबरहरु
समाचार२०८२ भाद्र ५, बिहीबार १९:३६लैङ्गिक उत्तरदायी बजेट विषयक अन्तरक्रिया कार्यक्रम धादिङबेसीमा सम्पन्न- समाचार२०८२ भाद्र ५, बिहीबार १९:०९पुटिनसँग शिखर सम्मेलनभन्दा पहिला सुरक्षाको सुनिश्चिततामा हुनुपर्छः जेलेन्स्की
- समाचार२०८२ भाद्र ५, बिहीबार १९:०३सिद्धलेकमा भएको वडा स्तरिय तीज गीत प्रतियोगितामा फुलबारी आमा समुह प्रथम
- समाचार२०८२ भाद्र ५, बिहीबार १८:५६नेपाल प्रिमियर लिग (एनपीएल)को दोस्रो संस्करण मङ्सिरमा हुने
