रसुवा- जिल्लाको सदरमुकाममा रहेको रसुवा अस्पतालले आपतकालिन व्यवस्थाको व्यवस्थापन गर्न एक दिने ड्रील अभ्यास गरेको छ ।
सदरमुकाम धुन्चेमा गरिएको अभ्यास कार्यक्रममा दुर्घटनामा परेका मानिसहरुलाई उद्दार कार्यमा खटिएका स्वास्थ्यकर्मी तथा सुरक्षाकर्मीले अपनाउनुपर्ने सावधानीका विषयमा अस्पतालमा आपतकालिन व्यवस्थाको व्यवस्थापन ड्रील अभ्यास कार्यक्रम गरिएको हो ।
विपद् व्यवस्थापनका लागि अस्पतालले पुर्याउनुपर्ने सावधानी तथा अस्पतालमा बिरामीको उपचारमा स्वस्थ्यकर्मीहरुको परिचालन तथा आवश्यक जनशक्ति, स्रोत तथा साधन परिचालन गर्ने बिषयमा अभ्यास गरिएको थियो ।
अभ्यास कार्यक्रममा रसुवा अस्पताल, नेपालीसेना, शसस्त्र प्रहरि, ट्राफिक प्रहरी तथा सर्वसाधारणहरु अभ्यासमा सहभागी भएका थिए ।
आपतकालिन व्यवस्थाको व्यवस्थापन ड्रील अभ्यास कार्यक्रमले अस्पतालले कस्ता बिरामीहरुको तत्काल उपचार गर्ने तथा नसक्ने बिरामीहरुको उपचारका लागि तत्कालै अन्य अस्पतालमा रिफर गर्नुपर्ने रहेछ भन्ने जानकारी प्रप्त गरेको अस्पतालका निमित्त मेडिकल सुपरिटेन्डेन अमीत कुमार शाहले बताउनुभयो ।