नेपाल एसीसी प्रिमियर कप क्रिकेटको सेमिफाइनलमा

नेपाल एसीसी प्रिमियर कप पुरुष क्रिकेटको सेमिफाइनल प्रवेश गरेको छ । ओमानमा चलिरहेको प्रतियोगितामा लगातार तेस्रो खेलमा जित हात पार्दै नेपाल एक खेल अघि नै सेमिफाइनल पुगेको हो । अर्को खेलमा कतारले मलेसियालाई हराएपछि नेपालको सेमिफाइनल यात्रा निश्चित भएको हो । आजको खेलमा नेपालले हङकङलाई ८ विकेटले हराएको हो । पानी परेपछि १८ ओभरमा छोट्याइएको खेलमा ११५ रनको लक्ष्य नेपालले १२ ओभर २ बलमा २ विकेट गुमाएर पूरा ग¥यो ।

नेपालको जितमा कप्तान रोहित पौडेल २५ र सन्दीप जोरा १९ रनमा अविजित रहनुभयो । नेपालका दुबै ओपनरले आक्रामक सुरुवात दिलाएको खेलमा आसिफ शेखले १८ बलमा ३ छक्का र ३ चौकासहित ४० तथा कुशल भुर्तेलले १९ बलमा ३ चौका र २ छक्का सहित ३२ रन बनाउनुभयो ।

टस हारेर पहिले ब्याटिङ गरेको हङकङ ११४ रनमा अलआउट भएको थियो । नेपालका अविनाश बोहोराले ३ तथा ललितनारायण राजवंशी र दीपेन्द्रसिंह ऐरीले दुई दुई तथा करण केसीले एक विकेट लिनुभयो ।प्रतियोगिताको समुह चरणको आफ्नो अन्तिम खेलमा नेपालले साउदी अरेबियासँग खेल्नेछ । यो खेलले समुह विजेता चयन गर्नेछ ।

लेखकको बारेमा

असल खबरअसल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।