टोस्टमास्टर्स फुटसल प्रतियोगिता २०२५ः बेनभावना र समुदायको भव्य उत्सव

काठमाडौं, २९ वैशाख । डी.ए.भी.टोस्टमास्टर्स क्लब र टोखा टोस्टमास्टर्स क्लबले संयुक्त रुपमा आयोजना गरेको टोस्टमास्टर्स फुटसल प्रतियोगिता २०२५ सम्पन्न भएको छ । गत वैशाख २७ वैशाखमा डीएभी कलेज फुटसल ग्राउन्डमा आयोजित उक्त कार्यक्रम अत्यन्त सफलतापूर्वक सम्पन्न भएको थियो ।

लुगाज क्लोथिङ, स्किल स्क्वायर, ट्रिप हिमालयन टूर्स एन्ड ट्राभल्स, लहाना लन्चबक्स र श्री तारा फुड्सको सहकार्यमा साथै डीएभी स्पोट्र्स एन्ड इभेन्ट क्लब र डीएभी मिडिया एन्ड प्रमोशन क्लबको समर्थनमा सम्पन्न यस प्रतियोगितामा नेपालभरिका विभिन्न टोस्टमास्टर्स क्लवहरूबाट आठ उत्साही टिमहरूको सहभागिता रहेको थियो ।

दिनभर चलेको प्रतिस्पर्धी खेलहरूले उत्कृष्ट फुटबल कौशल देखाएसंगै टोस्टमास्टर्स समुदायको आत्मीयता, नेतृत्व मूल्य र सहकार्यको भावना झल्काए। मैदानमा उत्साहपूर्ण वातावरण थियो जहाँ सदस्यहरू र समर्थकहरूले रोमाञ्चक खेलहरू अवलोकन गरे।

जवालाखेल ओरेटर्स टोस्टमास्टर्स क्लबको टिम रुस्लानले अन्तिम खेलमा उत्कृष्ट प्रदर्शन गर्दै प्रतियोगिताको उपाधि जित्न सफल भयो। अग्नि टोस्टमास्टर्स क्लबको टिम अग्नि स्कर्पियनले सराहनीय प्रदर्शन गर्दै उपविजेता बन्न सफल भयो।

समापन समारोह एक रंगीन र हर्षोल्लासपूर्ण क्षण रह्यो, जहाँ खेलाडीहरूको समर्पण र आत्मालाई सम्मान गरिएको थियो। दुवै फाइनलिष्ट टिमलाई ट्रफी, मेडल र प्रमाणपत्र प्रदान गरियो भने उत्कृष्ट व्यक्तिगत प्रदर्शनकर्ताहरूलाई लुगाज क्लोथिङ र ट्रिप हिमालयन टूर्स एन्ड ट्राभल्सद्वारा विशेष ट्रफी तथा उपहारसहित सम्मानित गरियो।

टिम रुस्लानका श्री पृथम श्रेष्ठ ‘मोस्ट भ्यालुएबल पुरुष प्लेयर’ घोषित भए भने उनकी टिममेट श्रीमती ओजश्वी तिमिल्सिना ‘मोस्ट भ्यालुएवल महिला प्लेयर’ बन्न सफल भइन्। त्यस्तै, श्री दत्ता पनेरुलाई उत्कृष्ट गोलकिपिङ्ग प्रदर्शनका लागि ‘बेस्ट गोलकिपर’ को उपाधि दिइयो। टिम काठमाडौं नाइट्सका नवदिप खत्रीले उत्कृष्ट आक्रामक प्रदर्शन गर्दै सर्वाधिक गोलकर्ता को उपाधि जिते।

पुरस्कार वितरण समारोहमा डीएभी कलेजका समन्वयकमाधव अधिकारी डिभिजन वी डाइरेक्टर निराजन श्रेष्ठ, तथा स्किल स्क्वायरका प्रबन्ध निर्देशक निराज प्रधानको विशिष्ट उपस्थिति रहेको थियो। उनीहरूले उत्कृष्ट खेलाडीहरूलाई ट्रफी, प्रमाणपत्र र उपहार प्रदान गर्दै उनीहरूको मेहनत र प्रतिभालाई सम्मानित गरे ।

प्रतियोगिता केवल प्रतिस्पर्धात्मक कार्यक्रम मात्र नभएर मित्रता, टिमवर्क र नेपालमा बिस्तारै फस्टाइरहेको टोस्टमास्टर्स अभियानको उत्सव पनि बन्यो। सहभागी र दर्शकहरूको अत्यन्त सकारात्मक प्रतिक्रिया सहित, टोस्टमास्टर्स फुटसल प्रतियोगिता २०२५ले नयाँ मापदण्ड स्थापना गरेको छ र आगामी वर्षहरूमा पनि बहुप्रतीक्षित वार्षिक परम्पराको रूपमा स्थापित हुने अपेक्षा गरिएको छ ।

लेखकको बारेमा

असल खबरअसल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।