इच्छा कामना-२ मा मौरी पालन तालीम सम्पन्न
इच्छा कामना, चितवन – सपना भिलेज सोसियल इम्प्याक्ट (SVSI) द्वारा इच्छा कामना गाउँपालिका–२ मा वैशाख १ र २ गते आयोजित मौरी पालन सम्बन्धी दुई दिने आधारभूत तालीम सफलतापूर्वक सम्पन्न भयो। यस तालीमको उद्देश्य परियोजना अन्तर्गत पहिलो चरणमा मौरीका घारहरू वितरण गरिएका नमुना किसानहरूको सीप अभिवृद्धि गर्ने राखिएको थियो।
कार्यक्रमको उद्घाटन एसभीएसआईका संस्थापक ध्रुव गिरीले गर्नुभयो। उद्घाटन मन्तव्यमा उहाँले मौरी पालनको सम्भावना र स्थानीय आम्दानी वृद्धिमा यसको महत्त्वबारे जोड दिनुभयो। उहाँले भन्नुभयो:“मौरी पालन केवल मह उत्पादनको कुरा होइन, यो कृषि उत्पादकत्व बढाउने र ग्रामीण आम्दानी सुदृढ गर्ने दीगो उपाय हो। इच्छा कामना–२ का स्थानीय बासिन्दाका लागि मौरी पालन आत्मनिर्भर र सक्षम समुदाय निर्माणको एक महत्वपूर्ण आधार बन्न सक्छ।”
कार्यक्रममा काउले, छापडाडा, हात्तिबांग, तोबाङ र घुर्केश लगायतका वर्षामा निर्भर पाँच समुदायका २६ जना सहभागी भएका थिए।
पहिलो दिन – सैद्धान्तिक तालीम र भ्रमण
वैशाख ३० गते पहिलो दिनको तालीम मौरी पालन विशेषज्ञ हेम सुवेदी द्वारा लिइएको थियो। तालीममा मौरीको जात, घार व्यवस्थापन, मौसमी स्याहार, कीरा रोग नियन्त्रण र मह सङ्कलनका विषयहरू समेटिएको थियो। सैद्धान्तिक सत्रपछि सहभागीहरू नजिकैको एक व्यावसायिक मौरी फार्मको अवलोकन भ्रमणमा गएका थिए जहाँ मौरी घारको सेट अप, मौरीको व्यवहार र आधुनिक उपकरणहरूको प्रयोग प्रत्यक्ष रूपमा अवलोकन गरिएको थियो।
दोस्रो दिन – व्यावहारिक अभ्यास
दोस्रो दिन वैशाख ३१ गते, प्रशिक्षक हेम सुवेदीले सहभागीहरूको गाउँ काउले पुगेर मौरी पालनको व्यावहारिक अभ्यास गराउनुभयो। उक्त सत्रमा मौरी घारको निरीक्षण, रानी मौरीको पहिचान, सफा राख्ने तरिका, र कीरा रोग व्यवस्थापन जस्ता विषयमा प्रत्यक्ष अभ्यास गरियो। सहभागीहरूले आफैँले भोगेका समस्याहरू प्रस्तुत गरे र मौरी पालनको आफ्नै अनुभवहरू पनि आदानप्रदान गरे।
सहभागीहरूले यस्तो व्यवहारिक तालीम अत्यन्त उपयोगी भएको प्रतिक्रिया दिएका थिए र दीर्घकालीन प्राविधिक सहयोग आवश्यक रहेको बताएका थिए।
सो तालीम कार्यक्रम सन् २०२६ जुलाईसम्म चल्ने एसभीएसआई र इन्टरनेशनल रेनवाटर हार्भेस्टिङ अलायन्स (IRHA) को साझेदारीमा सञ्चालित परियोजनाको हिस्सा हो, जसले नेपालको मध्य पहाडी क्षेत्रका समुदायमा दिगो कृषि प्रणाली र आत्मनिर्भर जीवनशैली प्रवर्द्धन गर्ने उद्देश्य राख्दछ।
लेखकको बारेमा
- असल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।
लेखकसँग सम्बन्धित खबरहरु
समाचार२०८२ चैत्र २९, आईतवार २०:४२प्रधानमन्त्री र मन्त्रीहरूको सम्पत्ति विवरण सार्वजनिक,कसको सम्पत्ति कति ?- समाचार२०८२ चैत्र २९, आईतवार १९:१४२ वर्ष सरकारलाई विश्वास गर्नुहोस्, देशमा सुशासन र समृद्धिको लय सुरु भइसक्यो: सभामुख अर्याल
- खेलकुद२०८२ चैत्र २९, आईतवार १५:३७दक्षिणकालीमा भिरबाट कार खस्दा एक जनाको ज्यान गयो
- कला, विचार/मनोरञ्जन२०८२ चैत्र २९, आईतवार १२:२७राम लामा अविनाशीको ‘क्यार्यो कुन्नि तानसेन बजारले’ सार्वजनिक
