ज्वालामुखीमा जनचेतनामूलक “छोरीको सस्तो मूल्य” सडक नाटक प्रदर्शन

धादिङ, २८ जेठ ।

ज्वालामुखी गाउँपालिकाको आयोजनामा बालविवाहजस्तो गम्भीर सामाजिक समस्याविरुद्ध जनचेतना फैलाउने उद्देश्यले जनचेतनामूलक सडक नाटक “छोरीको सस्तो मूल्य” प्रदर्शन गरिएको छ।

बिनोद तमु बल्लुको लेखन र निर्देशनमा तयार भएको उक्त नाटकले बालविवाहले पार्ने सामाजिक, मानसिक तथा स्वास्थ्यसम्बन्धी नकारात्मक असरहरूलाई गहिरो रूपमा उजागर गरेको थियो ।

उक्त नाटक ज्वालामुखी गाउँपालिका वडा नं. १ स्थित रातमटा आधारभूत विद्यालय, पिपलटार आधारभूत विद्यालय तथा वडा नं. ५ स्थित बलदेवी आधारभूत विद्यालयमा प्रस्तुत गरिएको थियो। स्थानीय बासिन्दा, शिक्षक, अभिभावक तथा विद्यार्थीहरूले उत्साहपूर्वक नाटकको अवलोकन गरेका थिए।

कार्यक्रममा गाउँपालिकामा उपाध्यक्ष धर्मबहादुर अर्यालले बालविवाह र मादकपदार्थ सेवनजस्ता सामाजिक कुरीतिहरू अझै पनि समुदायमा व्याप्त रहेको उल्लेख गर्दै यस्ता समस्याहरूको अन्त्य गर्न समाजकै सक्रिय सहभागिता आवश्यक भएको बताए। अध्यक्ष अर्यालले बालविवाह सामाजिक अपराध भएको र यसविरुद्ध कडाभन्दा कडा कानुनी कारबाही हुने पनि स्पष्ट पार्नुभयो।

सडक नाटकमार्फत बालविवाहको पीडादायी यथार्थ प्रस्तुत गरिँदा दर्शकहरू भावविह्वल बनेका थिए। “छोरीको सस्तो मूल्य” शीर्षकले नै बालविवाहको पीडा र विसंगतिलाई , समुदायमा बाल अधिकारप्रतिको चेतना अभिवृद्धि गर्ने उद्देश्य बोकेको नाटक सफलतापूर्वक सम्पन्न भएको आयोजकले जानकारी दिएको छ।

नाटकमा बिनोद तमु, मनिष श्रेष्ठ, रवि भट्टराई, प्रतिमा अर्याल, सुशिला घिमिरे,मञ्जु विश्वकर्माले अभिनय गरेका थिए ।

लेखकको बारेमा

असल खबरअसल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।