बन्काली आमा कृषक समूहमा तीन दिने साबुन बनाउने तालिम सम्पन्न

धादिङ, असोज ४ गते ।
सिद्धलेक गाउँपालिका–४ खुर्सानिटारस्थित बन्काली आमा कृषक समूहमा तीन दिने साबुन बनाउने तालिम सम्पन्न भएको छ ।

ग्रामिण क्षेत्रमा महिलाको जिविकोपार्जन, सशक्तिकरण तथा आय आर्जन वृद्धिमा सहयोग पु–याउने उद्देश्यले सञ्चालन गरिएको उक्त तालिममा अस्मिता अर्यालले सहजीकरण गर्नुभएको थियो ।

तालिममा बन्काली आमा कृषक समूहका २५ जना सदस्यहरुको सहभागिता रहेको थियो । तालिममार्फत सहभागी महिलाहरुलाई आत्मनिर्भर बन्न प्रोत्साहित गरिएको छ । तालिम एक्सन नेपाल धादिङ र डी.सी.ए. नेपालको आर्थिक तथा प्राविधिक सहयोगमा संचालन गरिएको हो ।

सहभागीहरुले तालिमपछि स्थानीय स्तरमा घरायसी तथा व्यावसायिक प्रयोजनका लागि साबुन उत्पादन गरी आय आर्जनमा टेवा पुग्ने विश्वास व्यक्त गरेका छन्।

लेखकको बारेमा

असल खबरअसल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।