दश जना प्रमुख सेनानीलाई महासेनानीमा बढुवा गर्ने निर्णय

काठमाडौँ- सरकारले नेपाली सेनाका दश जना प्रमुख सेनानीहरुलाई महासेनानीमा बढुवा गरेको छ ।

प्रधानमन्त्री तथा मन्त्रीपरिषद्को कार्यलय सिंहदरवारमा कार्तिक १७ गते वसेको मन्त्रिपरिषद् बैठकले प्रमुख सेनानीहरुलाई महासेनानी बढुवा गर्ने निर्णय गरेको हो ।

बैठकले दक्षिण कोरियाली नागरिक मिजिन लीलाई गैरकानुनी रुपमा नेपाल प्रवेश गरेको मिति देखि निष्कासन मितिसम्म प्रचलित कानुन अनुसार लाग्ने विलम्व शुल्क र जरिवाना मिनाह गरी नेपालबाट प्रस्थान गराउन अनुमति दिएको सरकारका प्रवक्ता सञ्चार तथा सूचना प्रविधि मन्त्री जगदीश खरेलले जानकारी दिनुभयो ।

त्यसैगरी, बैठकले स्विट्जरल्याण्डको जेनभामा मंसिर १ देखि ३ गते सम्म आयोजना हुने नेपालको व्यापार नीतिको तेस्रो समिक्षामा सहभागि हुन बाणिज्य आपूर्ति मन्त्रालयका सचिव डा रामप्रसाद घिमिरेलाई स्वीकृति दिएको छ ।

त्यसैगरी थाइल्याण्डको बैंककमा मंसिर २२ देखि २६ गतेसम्म आयोजना हुने हाइ लेभल समिट अन वाटर सेक्युरिटी एण्ड रेसिलेन्समा सहभागि हुन खानेपानी मन्त्रालयका सचिव प्रमिला देवी शाक्यलाई स्वीकृति प्रदान गरेको छ ।

त्यस्तै सामान्य प्रसाशन मन्त्रालय अन्तर्गत सञ्चालित प्रदेश तथा स्थानीय शासन सहयोग कार्यक्रमको लागि चालु आर्थिक बर्षको लाई दश जना र सञ्चार मन्त्रालय अन्तर्गतको विज्ञापन बोर्डको लागि आठ जना अधिकृतस्तरको अस्थायी दरवन्दी स्वीकृत गरेको छ ।

बैठकले शिक्षा विज्ञान तथा प्रविधि मन्त्रालय अन्तर्गतका निकायको संगठन व्यवस्थापन सर्वेक्षण गर्न पूर्व स्वीकृति प्रदान गरेको छ । त्यसैगरी अर्थमन्त्रालय र अन्तर्गतका निकायहरुको संगठन संरचना र दरवन्दी स्वीकृत गरेको छ ।।

लेखकको बारेमा

असल खबरअसल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।