धादिङमा सरकारी आयुर्वेद स्वास्थ्य संस्थाहरूको एकदिने समीक्षा गोष्ठी सम्पन्न

धादिङबेशी, २३ कात्तिक। आयुर्वेद तथा वैकल्पिक चिकित्सालय धादिङले जिल्लाभित्र रहेका सबै सरकारी आयुर्वेद स्वास्थ्य संस्थाको सहभागितामा एकदिने समीक्षा तथा योजना तर्जुमा गोष्ठी सम्पन्न गरेको छ।

गोष्ठीमा बागमती प्रदेश सरकारका स्वास्थ्य मन्त्रालय, चिकित्सा सेवा महाशाखाका प्रमुख डा. खगेश्वर गेलाल, स्वास्थ्य निर्देशनालयका जनस्वास्थ्य प्रशासक दिनेश रुपाखेती, जनस्वास्थ्य कार्यालय धादिङका प्रमुख अर्जुन पौडेल, धादिङ अस्पतालका निमित्त निर्देशक डा. गगन अधिकारी, डा. त्रिभुवन चन्द्र झा, जिल्लाका सबै आयुर्वेद औषधालय प्रमुख र नागरिक आरोग्य सेवा केन्द्र प्रमुखहरूको उपस्थिति रहेको थियो।

आयुर्वेद सेवा विस्तार, जनचेतना अभिवृद्धि, सेवा प्रदायकको क्षमता वृद्धि तथा आगामी वर्षका स्वास्थ्य योजनाबारे सहभागीहरूबीच विस्तृत छलफल भएको कार्यालय प्रमुख अमुल्य दाहालले जानकारी दिनुभयो ।

समीक्षा कार्यक्रममा सहभागी विज्ञहरूले जिल्लामा वैकल्पिक चिकित्सा सेवाप्रति जनविश्वास बढ्दै गएको र आयुर्वेद स्वास्थ्य सेवालाई अझ प्रभावशाली बनाउन मन्त्रालय तथा स्थानीय तहबीच सहकार्य आवश्यक रहेको धारणा राखेका थिए। कार्यक्रम आईतबार गल्छीस्थित त्रिशुली बिच रिसोर्टमा सम्पन्न गरिएको थियो।

लेखकको बारेमा

असल खबरअसल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।