‘किन लाग्छ माया’ फस्ट लुक सार्वजनिक, चैत्र ६ गतेदेखि विश्वव्यापी रिलिज

काठमाडौं । एस एण्ड एस प्रोडक्सनको ब्यानरमा तयार भएको प्रेम पारिवारिक कथानक चलचित्र ‘किन लाग्छ माया’ आउँदो चैत्र ६ गते नेपालसहित विश्वभर एकैसाथ प्रदर्शन हुने भएको छ। प्रदर्शन मिति घोषणा गर्दै निर्माण पक्षले फिल्मको पहिलो झलक (फस्ट लुक) पनि सार्वजनिक गरेको छ, जसमा प्रमुख कलाकार सन्जीत भण्डारी, जाहन्वी बस्नेत, सेडो रियल र ऋचा थापा फिचर्ड छन्।

सन्जीत भण्डारी र मोनु खड्काको निर्माण तथा कुवेर तामाङको निर्देशनमा बनेको फिल्ममा सन्जीत भण्डारी, जाहन्वी बस्नेत, ऋचा थापा, धिरेन शाक्य, पवित्रा साकी (मिस पबी), हिउबाला गौतम, सबिन बास्तोला, रवि डंगोल, गोपाल ढकाल, राजेन्द्र खड्की, गीता अधिकारी, निरोज खुलाल, सम्रान्त थापा, भेग पहरी, बिनोद ढकाल, रामकाजी घिमिरे, रबिन्द्र खड्का, सुनील कटुवाल, नारायण प्रधान, सुभाष गजुरेल, रमेश घिमिरे, ईश्वर दाहल, रामचन्द्र श्रेष्ठ, रूपा थापा, नेहा देव, श्री स्वस्थानी तामाङ, अनुजा भट्टराई घिमिरे, आरती बुढ़ा, रामजी लमसाल र प्रज्ञान खड्का लगायत कलाकारको अभिनय समावेश छ।

बाल कलाकारतर्फ आराध्या राज्यलक्ष्मी बी.सी., विनायक सुनुवार र सुरित पूढासैनीले अभिनय गरेका छन्। म्युजिक भिडियोमा सक्रिय सेडो रियल भने यसै फिल्ममार्फत् ठूलो पर्दामा डेब्यु गर्दैछन्। फिल्मको कथा समेत सेडो रियलकै अवधारणाबाट विकसित गरिएको हो भने पटकथा–संवाद रामकाजी घिमिरेले लेखेका हुन्।

फिल्ममा एक्शन राजेन्द्र खड्गी, छायांकन रामशरण उप्रेती, संगीत पुस्कर सुनुवार र राजेन्द्र बजगाईं, कोरियोग्राफी रामजी लामिछाने, नितिन वाइबा र अभि वाग्लेले गरेका छन्। सम्पादन टेकेन्द्र शाहको रहेको छ भने पोस्टर डिजाइन राकेश दाहालले तयार पारेका हुन्। निर्माण नियन्त्रक अर्जुन प्रसाद पोखरेल र मुख्य सहायक निर्देशक रामशरण कोइराला छन्।

दाजुभाइबीचको मित्रता र कर्तव्य, पारिवारिक त्याग, र वैवाहिक सम्बन्धमा बिस्तार हुँदै जाने प्रेमलाई मुख्य विषयवस्तु बनाएको यो फिल्म पारिवारिक तथा सामाजिक भावनात्मक कथावस्तुसहित बनाइएको छ।