जनस्वास्थ्य तथा प्राविधिक अध्ययन स्कुल धादिङमा प्रथम वर्षका विद्यार्थीलाई स्वागत

धादिङबेशी, ५ मंसिर। जनस्वास्थ्य तथा प्राविधिक अध्ययन स्कुल धादिङले प्रथम वर्षमा भर्ना भएका नयाँ विद्यार्थीहरूको स्वागत कार्यक्रम सम्पन्न गरेको छ । नीलकण्ठ नगरपालिका ३, पुछारबजारमा रहेको प्राविधिक स्कुलले बागमती प्रदेश लोक सेवा आयोगका अध्यक्ष महेश्वर श्रेष्ठको प्रमुख आतिथ्यतामा स्वागत कार्यक्रम सम्पन्न गरेको हो ।

कार्यक्रममा धादिङ अस्पतालका निमित्त निर्देशक डा. त्रिभुवन झा, जनस्वास्थ्य कार्यालय धादिङका प्रमुख अर्जुन पौडेल, आयुर्वेद तथा बैकल्पिक चिकित्सालयका प्रमुख डा. अमुल्य दाहाल, शहीद मेमोरियल अस्पताल धादिङ प्रा.लि.का अध्यक्ष विष्णुलाल श्रेष्ठ, शहीद मेमोरियल प्राबिधिक शिक्षालयका अध्यक्ष बालकृष्ण नेपाली, बिद्यालयका शेयर होल्डर प्रकाश सापकोटा, सुजन श्रेष्ठ, सुमन पराजुली, लगाएतको आतिथ्यता रहेको थियो ।

कार्यक्रममा पहिलो वर्षमा भर्ना भएर अध्ययन गर्न आएका विद्यार्थीहरूलाई बागमती प्रदेश लोक सेवा आयोगका अध्यक्ष महेश्वर श्रेष्ठ लगाएतका अतिथिहरुले कलम र डायरी प्रदान गरी स्वागत गर्नु भएको थियो । विद्यार्थीहरूबीच आपसी परिचय, पढाइ वातावरण तथा व्यवहारिक सीप विकासमा सहयोग पु¥याउने उद्देश्यले यस किसिमको स्वागत कार्यक्रम आयोजना गरिएको बिद्यालयका संचालक कृष्ण बहादुर पौडेलले जानकारी दिनुभयो ।

सोहि समारोहमा हालै सेवा निवृत्त भएका पूर्व प्रिन्सिपल सिताराम वाग्ले तथा पूर्व व्यवस्थापक कमल दनैलाई विद्यालयले विधाइ तथा सम्मान गरेको थियो । त्यसैगरी नवनियुक्त प्रिन्सिपलटंक प्रसाद चापागाईलाई सोहि समारोहमा बिद्यालयले औपचारिक स्वागत समेत गरेको थियो । उक्त जनस्वास्थ्य तथा प्राविधिक अध्ययन स्कुल धादिङमा कोसी प्रदेश बाहेक सवै प्रदेशका बिद्यार्थीहरुहरु अध्ययनरत छन् ।

लेखकको बारेमा

असल खबरअसल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।