उम्मेदवार टुंग्याउने अन्तिम तयारीमा काँग्रेस, संसदीय बोर्डको बैठक

काठमाडौँ- नेपाली काँग्रेसले प्रतिनिधि सभा निर्वाचनका लागि उम्मेदवारहरुको नामावली आज टुंगो लगाउँदै छ ।

काँग्रस संसदीय बोर्डको बैठकले आज बेलुकीसम्म सबै निर्वाचन क्षेत्रमा उमेदवारको टुंगो लगाउने सभापति गगनकुमार थापाले सामाजिक सञ्जालमार्फत जानकारी दिनुभएको छ ।

सभापति थापाले काँग्रेस उम्मेदवार छनोटको अन्तिम चरणमा रहेको र प्रक्रियागत बाध्यताकाबीच पनि समावेशी, सन्तुलित र न्यायपूर्ण निर्णय गर्ने भरपूर प्रयास भइरहेको उल्लेख गर्नुभएको छ ।

भोलि सबैजना आ-आफ्नो क्षेत्रमा गएर पार्टीको आधिकारिक उम्मेदवारको पक्षमा एकढिक्का भएर लाग्न सभापति थापाले आग्रह गर्दै निर्वाचन पार्टीको साझा अभियान भएको पुन: स्मरण गराउनुभएको छ।

विशेष महाधिवेशनपछि समय चापका कारण पार्टीभित्रको विवादमा रुमल्लिएको काँग्रेसले सकेसम्म सबै पक्षलाई मिलाएर टिकट वितरण गर्ने भन्दै आएको छ।

निवर्तमान सभापति शेरवहादुर देउवा समूहको समेत सहभागितामा काँग्रेस एक ढिक्का भएर निर्वाचनमा जाने पहल भइरहेको महामन्त्री प्रदीप पौडेलले जानकारी दिनुभयो ।।

लेखकको बारेमा

असल खबरअसल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।