दसौँ टी–२० विश्वकप आजदेखि, तेस्रो पटक विश्वकप खेल्दै नेपाल

काठमाडौं, माघ २४ । आइसीसी पुरुष टी-२० विश्वकप क्रिकेट प्रतियोगिता आजबाट शुरु हुँदैछ । भारत र श्रीलंकामा संयुक्त रुपमा आयोजना हुन लागेको पुरुष टी-२० विश्वकपमा नेपालले पनि खेल्दैछ । विश्वकप उद्घाटन खेलमा आज पाकिस्तान र नेदरल्याण्ड्सबिच प्रतिस्पर्धा हुँदैछ भने अर्को खेलमा वेष्ट इन्डिज् र स्कटल्याण्ड भिड्दैछन् ।

भारतसँगको सम्बन्धमा आएको तनावका कारण बंगलादेशले विश्वकप नखेल्ने भएपछि आइसिसीले स्कटल्याण्डलाई खेलाउने निर्णय गरेको थियो । यसैगरी पाकिस्तानले पनि भारतीय भूमि र भारतसँग नखेल्ने बताएको छ । यद्यपी आइसीसीले यो निर्णयमा पुनर्विचार गर्न पाकिस्तानलाई आग्रह गरिरहेको छ ।

विश्वकप क्रिकेटमा नेपालले पनि तेस्रो पटक सहभागिता जनाउँदैछ । यसअघि सन् २०१४ र २०२४ मा विश्वकप क्रिकेट खेलेको नेपालले यो विश्वकपमा पहिलो खेल आइतबार इङ्ल्याण्डसँग खेल्नेछ ।

विश्वकप अघि खेलेका दुई वटा अभ्यास खेलमा युएइ र क्यानडालाई हराउदै शतप्रतिशत नतिजा निकालेको नेपाली टोली उच्च मनोबल सहित इङ्ल्याण्ड विरुद्ध मुम्वइस्थित रंगशालामा आइतबार सवा ३ बजे प्रतिस्पर्धामा उत्रदैँ छ । विश्वकपमा नेपालको दोस्रो खेल इटलीसँग माघ २९ गते खेल्नेछ । यसैगरी फागुन ३ गते वेस्ट इन्डिज र फागुन ५ गते स्कटल्याण्डसँग खेल्ने कार्यक्रम रहेको छ ।

प्रतियोगिता अघि आयोजना गरिएको क्याप्टेनसँगको अन्तरक्रियामा नेपालका कप्तान रोहित पौडेलले आफ्नो टीमले राम्रो गरिरहेकोले विश्वकपमा पनि उत्कृष्ट नतिजा निकाल्ने दाबी गरेका छन् ।

आइसिसी टी–२० विश्वकपको दसौँ संस्करणमा २० टिम सहभागी छन् । विश्वका यी २० उत्कृष्ट टिमबिच सर्वश्रेष्ठको चयन गर्न ३० दिन लगाएर ५५ खेल खेलिने छ । सहभागी टिमलाई चार समूहमा विभाजन गरिएको छ । एक समूहमा पाँच टिम रहने छन् । हरेक समूहका शीर्ष दुई टोली सुपर–८ मा पुग्ने छन् । सुपर–८ मा दुई समूह हुने छन् । हरेक समूहका शीर्ष दुई टोली सेमिफाइनल खेल्ने छन् । त्यसपछि फागुन २४ गते विश्वकप ट्रफी उचाल्ने टिमको निर्णय हुने छ ।

यो पनि पढ्नुहोस् : मुम्बई इन्डियन्ससँग पञ्जाव किङ्ग्स पराजीत

तेस्रो पटक विश्वकप खेल्दै नेपाल

करिब चार महिनाअघि ओमानमा भएको आइसिसी टी–२० विश्वकप एसिया तथा इस्ट एसिया प्यासिफिक छनोटमा च्याम्पियन भएर नेपाल सन् २०२६ मा हुने विश्वकपमा चयन भएको हो । नेपालले समग्रमा तेस्रो पटक र लगातार दोस्रो पटक आइसिसी टी–२० विश्वकपमा खेल्ने छ । नेपालले पहिलो पटक सन् २०१४ मा टी–२० विश्वकप खेलेको हो ।

नेपालले विश्वकपमा पहिलो सहभागितामै अनपेक्षित रूपमा तीनमध्ये दुई खेल जितेर विश्वलाई प्रभावित पारेको थियो । त्यसपछि नेपाली क्रिकेट समर्थकको हरेक पटक नेपालले अर्को विश्वकप क्रिकेट खेल्ने अपेक्षा रह्यो तर नेपाललाई अर्को विश्वकप खेल्न दस वर्ष लाग्यो । सन् २०२४ मा अमेरिका र वेस्ट इन्डिजमा भएको पछिल्लो विश्वकपमा खेल्दा नेपालको चर्चा चुलिएको थियो ।

नेपाली व्रिmकेटले अब पुनः विश्वकपको मञ्चमा आफ्नो क्षमता देखाउने अवसर पाएको छ । चालु विश्वकप छनोटमा गरेको प्रदर्शन र यसअघि दुई पटकको विश्वविजेता वेस्ट इन्डिजविरुद्ध टी–२० शृङ्खला जितेर इतिहास बनाएकाले पनि पाल हेर्नलायक टिमका रूपमा हेरिएको छ ।

खेल तालिनका अनुसार नेपाल समूह ‘सी’ मा रहेको छ । सो समूहमा दुई पटकको विजेता टिम इङ्ग्ल्यान्ड र वेस्ट इन्डिजसँगै इटाली र स्कटल्यान्ड पनि रहेका छन् । इटालीले पहिलो पटक क्रिकेट विश्वकप खेल्न लागेको हो ।

लेखकको बारेमा

असल खबरअसल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।