टी-२० विश्वकपमा आज तीन खेल हुँदै « रिपोर्टर्स नेपाल

काठमाडौं, माघ २६ । जारी आइसीसी टी-२० विश्वकपमा आज तीन खेल हुदैछ । पहिलो खेल समूह सी अन्तर्गत इटाली र स्कटल्याण्डबीच हुदैछ । कोलकोताको इडेन गार्डेनमा हुने यो खेल बिहान १: १५ बजेदेखि सुरु हुदैछ । इटालीको यस विश्वकपमा यो पहिलो खेल हो भने स्कटल्याण्डले पहिलो खेलमा वेस्ट इन्डिजसँग हार बेहोरेको थियो ।

त्यस्तै दोस्रो खेल समूह बी अन्तर्गत ओमान र जिम्बाबेबीच हुँदै छ । श्रीलङ्काको कोलम्बोमा हुने यो खेल दिउसो ३: १५ बजेदेखि सुरु हुदैछ । यस विश्वकपमा दुवैको यो पहिलो खेल हो ।

त्यसैगरी तेस्रो खेल समूह डी अन्तर्गत क्यानडा र दक्षिण अफ्रीकाबीच हुदैछ । भारतको अहमदावादमा हुने यो खेल साँझ ७: १५ बजेदेखि सुरु हुँदै छ । यस विश्वकपमा दुवैको यो पहिलो खेल हो ।