कार्यसम्पादन मूल्याङ्कन : धादिङमा बेनीघाट रोराङ प्रथम, नीलकण्ठ दोस्रो र खनियाबास सबैभन्दा पछाडि

धादिङबेशी । धादिङका १३ स्थानीय तहको कार्यसम्पादन अवस्था सार्वजनिक भएको छ। राष्ट्रिय प्राकृतिक स्रोत तथा वित्त आयोगले आर्थिक वर्ष २०८१/८२ का लागि सार्वजनिक गरेको मूल्याङ्कन प्रतिवेदनअनुसार बेनीघाट रोराङ गाउँपालिका जिल्लामा पहिलो स्थानमा रहँदा खनियाबास गाउँपालिका सबैभन्दा पछाडि परेको छ।

आयोगका अनुसार बेनीघाट रोराङ गाउँपालिकाले ७३.२८ अंक प्राप्त गर्दै शीर्ष स्थान हासिल गरेको हो। दोस्रो स्थानमा ७०.०० अंकसहित नीलकण्ठ नगरपालिका रहेको छ भने ६१.९५ अंकसहित धुनीबेँसी नगरपालिका तेस्रो स्थानमा परेको छ।

यस्तै, ज्वालामुखी गाउँपालिका ५९.२८ अंकसहित चौथो, नेत्रावती डबजोङ गाउँपालिका ५८.२८ अंकसहित पाँचौँ र थाक्रे गाउँपालिका ५५.०० अंकसहित छैटौँ स्थानमा छन्। सिद्धलेक गाउँपालिका (५१.९७) सातौँ, रुबीभ्याली गाउँपालिका (४९.६२) आठौँ, गंगाजमुना गाउँपालिका (४८.६२) नवौँ र गजुरी गाउँपालिका (४८.३५) दशौँ स्थानमा परेका छन्।

गल्छी गाउँपालिका ४४.५२ अंकसहित एघारौँ र त्रिपुरासुन्दरी गाउँपालिका ४३.६९ अंकसहित बाह्रौँ स्थानमा रहेका छन्। सबैभन्दा कम ३६.८० अंक प्राप्त गर्दै खनियाबास गाउँपालिका अन्तिम स्थानमा परेको प्रतिवेदनमा उल्लेख छ।

आयोगले स्थानीय तहको वित्तीय अनुशासन, बजेट कार्यान्वयन, राजस्व संकलन, पारदर्शिता, शिक्षा, स्वास्थ्य तथा सेवा प्रवाहलगायत १६ वटा सूचकका आधारमा मूल्याङ्कन गरेको जनाएको छ।

सार्वजनिक नतिजाले धादिङका स्थानीय तहबीच सेवा प्रवाह र सुशासनका क्षेत्रमा देखिएको अन्तरलाई उजागर गरेको छ। अब कमजोर सूचकमा सुधार गर्दै नागरिकमैत्री सेवा प्रवाह प्रभावकारी बनाउनु सम्बन्धित स्थानीय तहका लागि मुख्य चुनौतीका रूपमा देखिएको छ।

लेखकको बारेमा

असल खबरअसल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।

यो पनि पढ्नुहोस् : धादिङ प्रहरीको अपरेशनः अफिम, भरुवा बन्दुक र फरार अभियुक्त पक्राउ