मतदान सामग्री सहित टाढाका मतदान स्थलमा खटाइयो कर्मचारी
अर्घाखाँची– फागुन २१ गते हुने प्रतिनिधि सभा सदस्य पदको निर्वाचनका लागि अर्घाखाँचीमा मतदान अधिकृतहरूले सोमबार बिहानैदेखि मतदान सामग्री बुझ्न थालेका छन्।
जिल्ला निर्वाचन कार्यालय अर्घाखाँचीबाट मतदान अधिकृत तथा कर्मचारीहरूले मतपत्र, मतपेटिका, छाप, मतदाता नामावली, फारामलगायत आवश्यक सामग्री बुझेर आ–आफ्नो मतदान केन्द्रतर्फ प्रस्थान गर्न थालेको कार्यालयका कर्मचारी कृष्ण बर्माले जानकारी दिनुभयो।
निर्वाचन निर्धारित मितिमा शान्तिपूर्ण, निष्पक्ष र व्यवस्थित रूपमा सम्पन्न गराउन आवश्यक सबै तयारी पूरा भएको अर्घाखाँचीका मुख्य निर्वाचन अधिकृत शिवलाल पाण्डेले बताउनुभयो। सुरक्षा व्यवस्था कडा पारिएको छ भने मतदान अधिकृत तथा सुरक्षाकर्मीलाई आवश्यक निर्देशनसमेत दिइएको उहाँको भनाइ छ।
निर्वाचन प्रक्रियालाई प्रभावकारी बनाउन सम्बन्धित निकायबीच समन्वय भइरहेको र मतदातालाई सहज वातावरणमा मतदान गर्ने व्यवस्था मिलाइएको अर्घाखाँचीका प्रमुख जिल्ला अधिकारी तोयनारायण सुवेदीले जानकारी दिनुभयो।
अर्घाखाँचीमा कुल १ लाख ७१ हजार ६ सय ५२ जना मतदाता रहेका छन्। जिल्लामा १०२ वटा मतदानस्थल र २०९ वटा मतदान केन्द्र निर्धारण गरिएको छ। निर्वाचन सम्पन्न गराउन जिल्लाभर १ हजार २ सय ५९ जना कर्मचारी खटिएका छन्। निर्वाचनको अन्तिम तयारीसँगै जिल्लामा चुनावी माहोल थप तातेको छ।
लेखकको बारेमा
- असल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।
लेखकसँग सम्बन्धित खबरहरु
कला, विचार/मनोरञ्जन२०८३ बैशाख १, मंगलवार १०:३८नयाँ वर्षमा ‘कार्की साइँला’को फस्टलुक सार्वजनिक, साउन १ मा प्रदर्शन- समाचार२०८२ चैत्र ३०, सोमबार २०:१८विश्वशान्ति मैत्रीय आध्यात्मिक अनुष्ठान सम्पन्न
- समाचार२०८२ चैत्र ३०, सोमबार १८:४५धादिङका १३ वटै स्थानीय तहको संयुक्त आयोजनामा नवनिर्वाचित प्रतिनिधिसभा सदस्यहरूलाई सम्मान तथा बधाई ज्ञापन
- कला, विचार/मनोरञ्जन२०८२ चैत्र ३०, सोमबार १४:००चलचित्र ‘पाँच पाण्डव’मा सुशील सिटौला अनुबन्धित
