जबरजस्ती करणी मुद्दाका फरार बन्दी धादिङबाट पक्राउ

धादिङ,०२ चैत्र ।
Gen–Z आन्दोलनका क्रममा कारागारबाट फरार भएका जबरजस्ती करणी मुद्दाका एक बन्दीलाई धादिङबाट प्रहरीले पक्राउ गरेको छ।

जिल्ला प्रहरी कार्यालय धादिङका अनुसार काठमाडौंस्थित कारागार कार्यालय जगन्नाथदेवालबाट फरार भएका धादिङ गजुरी गाउँपालिका–१ का २२ वर्षीय जगतबहादुर बुढाथोकीलाई पक्राउ गरिएको हो। उनलाई धादिङको सिद्धलेक गाउँपालिका–१ नलाङ बैरेनीबाट पक्राउ गरिएको प्रहरीले जनाएको छ।
जबरजस्ती करणी मुद्दामा ८ वर्ष कैद सजाय भुक्तान गरिरहेका बुढाथोकी Gen–Z आन्दोलनका क्रममा कारागारबाट फरार भएका थिए। पक्राउ परेका उनलाई बाँकी कैद भुक्तानका लागि पुनः कारागार कार्यालय जगन्नाथदेवाल, काठमाडौं पठाइएको जिल्ला प्रहरी कार्यालय धादिङले जनाएको छ।
यसैबीच जिल्ला प्रहरी कार्यालय धादिङका प्रवक्ता तथा सूचना अधिकारी प्रहरी नायव उपरीक्षक प्रकाश दाहालका अनुसार Gen–Z आन्दोलनका क्रममा फरार भएका कैदीबन्दी तथा थुनुवामध्ये हालसम्म १५० जनालाई पक्राउ गरी सम्बन्धित कारागारमा बुझाइसकिएको छ।

लेखकको बारेमा

असल खबरअसल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।