आइपिएल मुम्बईसँग कोलकाता पराजित, आज राजस्थान र चेन्नई भिड्दै

काठमाडौं, चैत १६ । इण्डियन प्रिमियर लिग (आइपिएल) मा मुम्बई इण्डियन्सले कोलकाता नाईट राइडर्सलाई ६ विकेटले पराजित गरेको छ । मुम्बईको घरेलु मैदानमा भएको खेलमा कोलकाताले दिएको २२१ रनको लक्ष्य पछ्याएको मुम्बईले १९ दशमलब १ ओभरमा ४ विकेट गुमाएको थियो ।

मुम्बईको जितमा ओपनर रायन रिकल्टनले सर्वाधिक ८१ रनको अर्धशतकीय इनिङ खेल्दै आउट भए । उनले ४३ बलमा ४ चौका र ८ छक्का प्रहार गरे । रोहित शर्माले १४८ रनको शतकीय साझेदारी गरे । रोहितले ३८ बलमा ६ चौका र ६ छक्काको सहयोगमा ७८ रन बनाउँदै आउट भएका थिए ।

तिलक बर्मा २० तथा सुर्यकुमार यादव १६ रनमा आउट हुँदा कप्तान हार्दिक पाण्ड्या १८ रनमा अविजित रहे । पहिलो खेलमा जितका साथ मुम्बई २ अंकका साथ तालिकाको दोस्रो स्थानमा रहेको छ ।

शनिबारदेखि सुरु भएको आईपीएल क्रिकेटको पहिलो खेलमा साविक विजेता रोयल च्यालेन्जर्स बेङ्गलुरु (आरसीबी)ले हैदरावादलाई हराउँदै विजयी शुरुवात गरेको थियो । आईपीएल अन्तरगत आज नेपाली समयअनुसार बेलुका पौने ८ बजे राजस्थान रोयल्स र चेन्नई सुपर किङ्ग्स भिड्दैछन् ।