मेघगर्जनसहित पानी पर्ने काठमाण्डौ र देशका केही ठाउँहरुमा
काठमाण्डौ उपत्यकासहित देशका केही ठाउँहरुमा आज पनि बेलुकीपख मेघगर्जनसहित पानी पर्ने भएको छ ।
मौसम पूर्वानुमान महाशाखाका अनुसार अहिले प्रदेश-१ र सुदूरपश्चिमका केही ठाउँहरुमा मौसम बद्ली भइ चट्याङ्ग परिरहेको छ ।
दिनभरजसो नै देशभर आज आंशिकदेखि सामान्य बद्ली रहनेछ । बेलुकीपख भने काठमाण्डौ उपत्यकासहित पहाडी र तराईका केही थोरै ठाउँहरुमा मेघगर्जन/चट्याङ्ग/हावाहुरीसहित पानी पर्ने सम्भावना रहेको मौसमविद् राजु प्रधानाङ्गले बताउनुभयो ।
प्रदेश-१ लगायत पहाडका केही ठाउँमा आज राति पनि मेघगर्जन/चट्याङ्गसहित हल्का पानी पर्ने सम्भावना छ।
आउँदो तीन दिनसम्म नै देशका पहाडी ठाउँहरुमा मौसम बद्ली भइ पानी पर्ने सम्भावना रहेको मौसमविद् प्रधानाङ्गले बताउनुभयो ।
अन्तिम अपडेट: 2021-May-01 समय 9:06 AM
218 पटक पढिएको
लेखक
