बिष्णु प्रसाद बराल 
जङ्गलबाट बस्तीमा छिरेको चितुवाको आक्रमणबाट नवलपरासीको मध्यबिन्दुका एक जना किसानको भेडा गोठ नै रित्तिएको छ । मध्यबिन्दु–१ अभियनकी मनकुमारी महतोले गोठभित्र थुनेको १५ भेडामध्ये ११ वटा भेडा चितुवाको आक्रमणबाट मरेको प्रहरीले जनाएको छ ।
जिल्ला प्रहरी कार्यालय नवलपरासी (बर्दघाट–सुस्तापूर्व)का प्रवक्ता प्रहरी नायब उपरीक्षक दिलीपकुमार गिरीले चितुवाको आक्रमणबाट गोठमा रहेका अन्य चारवटा भेडा गम्भीर घाइते भएका बताउनुभयो । चितुवाको आक्रमणबाट भेडा गोठ नै रित्तो भएपछि महतो पीडामा हुनुहुन्छ । त्यहाँका गणेश महतोले चितुवाको आक्रमणबाट दुई लाखभन्दा बढीको क्षति भएको बताउनुभयो ।
कच्ची गोठ भएकाले सजिलैसँग चितुवा गोठभित्र छिरेर भेडालाई आक्रमण गरेको हुनसक्ने प्रहरीले जनाएको छ ।
अन्तिम अपडेट: 2021-July-11 समय 9:08 AM
178 पटक पढिएको
Facebook Notice for EU!
You need to login to view and post FB Comments!
लेखक
