नेपाल ‘ए’ लाई स्तब्ध पार्दै तीन म्याचको सिरिज क्यानडा-११ को पोल्टामा
काठमाडौं,१० फागुन । नेपाल ‘ए’ लाई हराउँदै क्यानडा-११ ले तीन म्याचको सिरिज जितेको छ । आज भएको निर्णायक खेलमा क्यानडा-११ ले नेपाल ए लाई ४ विकेटले पाखा लगाउँदै सिरिज २-१ ले जितेको हो ।
नेपाल ए ले दिएको १८२ रनको सामान्य लक्ष्य क्यानडा-११ ले ३९ ओभरमा ६ विकेट गुमाएर पूरा गर्यो । क्यानडा -११ का लागि नवनित दलिवालले ३८ तथा निकोलस किर्तोनले ५८ रन जोड्दा आरोन जोनसनले ३६, दिलप्रित बाजवाले १७, निखिल दत्तले १४ र श्रीमन्था विजयरत्नेले १० रन थपे ।
बलिङतर्फ नेपालका साहब आलमले १० ओभरमा ४ विकेट चट्काएपनि टिमलाई जिताउन भने सकेनन् ।
यसअघि माथिल्लो मूलपानी मैदानमा टस हारेर सुरुआतमा ब्याटिङ गरेको नेपाल ए ४७ ओभरमा १८० रनमा अलआउट भएको थियो ।
नेपालका लागि आशुतोस घिरैयाले २८, अर्जुन कुमालले २७, बसिर अहमदले २५, सन्दीप जोराले २४, तथा सुजन थपलियाले २०, प्रतिश जीसी र रासिद खानले समान १९ रन जोडे ।
बलिङतर्फ क्यानडा-११ का डिलोन हेलिगर, हर्श थाकर र निकोलस कार्तिनले समान २ विकेट लिए ।
मुलपानी क्रिकेट मैदानमा नेपाल ‘ए’ आज पनि सन्दीप जोराकै कप्तानीमा उत्रिएको थियो । नियमित कप्तान विनोद भण्डारी बिरामी भएका कारण उपस्थित नहुँदा सन्दीपले कप्तानी गरेका हुन् ।
पहिलो खेलमा क्यानडाले ४ विकेटको जित दर्ता गरेको थियो । दोस्रो खेलमा नेपाल विजयी भएको थियो ।
लेखकको बारेमा
- असल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।
लेखकसँग सम्बन्धित खबरहरु
समाचार२०८२ भाद्र ३०, सोमबार २०:३४पर्यटन पुनःउत्थान गर्न सरकार र निजी क्षेत्र एकसाथ- समाचार२०८२ भाद्र ३०, सोमबार २०:२७‘जेनजी’ आन्दोलनमा सहादत प्राप्त गरेकालाई सहिद घोषणा गर्ने सरकारको निर्णय
- समाचार२०८२ भाद्र ३०, सोमबार १८:१६ऐतिहासिक परिवर्तनलाई सार्थक तुल्याउनु प्रमुख एजेन्डाः ऊर्जामन्त्री घिसिङ
- कला, विचार/मनोरञ्जन२०८२ भाद्र ३०, सोमबार १३:३९हल सञ्चालनमा आएसँगै ‘कोशेढुङ्गा’को प्रदर्शन निरन्तर
