मार्पाकमा “पाँचौं नेत्रावती डबजोङ्ग गाउँपालिका स्तरीय हस्तलेखन प्रतियोगिता

धादिङको नेत्रावती डबजोङ्ग गाउँपालिका –१, मार्पाकमा “पाँचौं नेत्रावती डबजोङ्ग गाउँपालिका स्तरीय हस्तलेखन प्रतियोगिता–२०८२“ सम्पन्न भएको छ ।
प्रतियोगिता नेत्रावती डबजोङ्ग गाउँपालिका वडा नम्बर–१ को संरक्षणमा र श्री निरञ्जना माध्यमिक विद्यालयको संयोजनमा, मार्पाक सामुदायिक क्लबको आयोजनामा तथा श्री निरञ्जना मा. बि. ब्याच २०५६ को सह–आयोजना साथै चन्द्र ब. – बुनादेबी अधिकारी अक्षयकोष समिति र सफल कोरियन भाषा सेन्टरको प्रायोजनमा सम्पन्न भएको हो ।
पाँचौं संस्करणको प्रतियोगितामा गाउँपालिकाभरिका विद्यालयका कक्षा ५ देखि कक्षा १० सम्मका ८९ जना विद्यार्थीहरू सहभागी भएका थिए ।
प्रतियोगितामा कुण्डलादेबी मा. बि का युनिका श्रेष्ठ लगातार ३ पटक बिजेता बनिन् उनले नगद, ट्रफी, मेडल र प्रमाण–पत्र जितिन् भने निरन्जना मा. बि. का अनुस्मा तामाङ्ग द्वितीय हुँदै नगद, ट्रफी, मेडल र प्रमाण–पत्र जितिन् त्यस्तै चौतारा मा. बि. का सलिना सुनार तृतीय हुँदै नगद, ट्रफी, मेडल र प्रमाण–पत्र प्राप्त गरे साथै चौथो हुन सफल कुण्डलादेवी कै उर्वशी श्रेष्ठले पनि नगद र प्रमाण–पत्र प्राप्त गरिन् र पाँचौं स्थान प्राप्त गर्ने निमार्चाेक आ. बि. का पुर्णिमा सिंखडा, मंगलादेबी मा. बि. का कृष्मा थापा मगर र कुण्डलादेवी मा. बि. का पवन तामाङ्गले नगद तथा प्रमाण–पत्र प्राप्त गरे त्यसैगरि छैटौ हुने निरन्जनाका दिपशिखा थापा, चौताराका लुकाश वाईवा, महेन्द्र बाराहीका मन्दिरा दुरेली र मार्पाक पोखरा आ. बि. का जनक तामाङ्गले पनि आकर्षक गिफ्ट संगै प्रमाण–पत्र प्राप्त गरे साथै बाँकी सम्पुर्ण सहभागीहरुलाई सान्त्वना स्वरूप सान्त्वना पुरस्कार र प्रमाण–पत्र प्रदान गरियो ।
कार्यक्रम संयोजक तथा मार्पाक सामुदायिक क्लबका महासचिव काजिराम अधिकारीका अनुसार यस प्रतियोगिताले विद्यार्थीहरूको सृजनात्मक क्षमता अभिवृद्धि गर्ने तथा नेपाली भाषाको शुद्ध लेखन साथै सुन्दर नेपाली र अग्रेजी लेखन अभ्यासमा टेवा पु¥याउने उद्देश्य राखि हरेक बर्ष आयोजना हुने बताउनुभयो ।
प्रतियोगिताको समापन तथा पुरस्कार बितरण कार्यक्रममा प्रमुख अतिथी वडा नं.१ का वडाध्यक्ष ठाकुर गुरुङ्ग लगायत दिब्य दर्शन टेलिभिजनका प्रबन्ध निर्देशक उत्तम अधिकारी, नेत्रावती डबजोङ्ग गाउपालिका शिक्षा शाखा प्रमुख शुशिला ड्याङ्जो, चन्द्र ब. बुनादेवी अधिकारी अक्षयकोषका अध्यक्ष लक्ष्मी अधिकारी निरन्जना ब्यबस्थापन समिति अध्यक्ष डोल बहादुर अधिकारी, वडा नं. १ का सदस्य राम बहादुर तामाङ्ग, गाउँपालिका शिक्षा शाखा सहायक डोलमाया तामाङ्ग, कुण्डलादेवी मा. बि.का प्र.अ.अमृतमान श्रेष्ठ लगायतको उपस्थिती रहेको थियो ।

यो पनि पढ्नुहोस् : पोखरामा ७० वर्षमाथिका जेष्ठ नागरिकका लागि पहिलो पटक वाकिङ फुटबल प्रतियोगिता आयोजना गरिँदै

लेखकको बारेमा

असल खबरअसल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।