मोटरसाइकल दुर्घटनामा दुई जनाको मृत्यु, एकजना गम्भीर घाइते
पूर्वी नवलपरासी- पूर्वी नवलपरासीको मध्यविन्दु नगरपालिका-७ अम्रसा जङ्गलमा मोटरसाइकल दुर्घटना हुँदा दुई जनाको मृत्यु भएको छ । सोही दुर्घटनामा परी एक जना गम्भीर घाइते भएका छन् ।
आज बिहान ६ बजेको समयमा अम्रसा गाउँबाट चोरमारातर्फ आउँदै गरेको तीन जना सवार लु ९ प ८११६ नम्बरको मोटरसाइकल अनियन्त्रित भई दुर्घटना भएको जिल्ला प्रहरी कार्यालय पूर्वी नवलपरासीका सूचना अधिकारी प्रहरी नायव उपरीक्षक मधु नेपालले बताउनु भयो ।
दुर्घटनामा परी मध्यविन्दु नगरपालिका-७ चोरमारा बस्ने २४ वर्षीय नवीन कुमाल र २२ वर्षीय रादिम मिधुनको मृत्यु भएको हो । दुर्घटनामा परी बर्दघाट नगरपालिका-५ घर भई मध्यविन्दु-७ बस्ने २८ वर्षीय मनिष घर्ती मगर गम्भीर घाइते भएको प्रहरी नायव उपरीक्षक नेपालले जनकारी दिनुभयो ।
दुर्घटनामा परी घाइते अवस्थामा तीनै जनालाई मध्यविन्दु प्रादेशिक अस्पताल डण्डा लगिएकोमा दुई जनालाई चिकित्सकले मृत घोषित गरेका थिए । गम्भीर घाइते एक जनालाई थप उपचारका लागि नयाँ मेडिकल कलेज चितवन लगिएको प्रहरीले जनाएको छ ।
लेखकको बारेमा
- असल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।
लेखकसँग सम्बन्धित खबरहरु
समाचार२०८२ जेष्ठ १७, शुक्रबार २१:२९कोटीहोममा देवी प्रतिभाको भव्य बिदाई, हजारौँ भक्तजन भावविह्वल- समाचार२०८२ जेष्ठ १७, शुक्रबार १९:५९कोटीहोममा हिन्दूराष्ट्रको शंखघोष, १४ लाख भक्तजन सहभागी
समाचार२०८२ जेष्ठ १७, शुक्रबार १९:४१बहुविवाह मुद्दामा फरार रहेका नर बहादुर राना पक्राउ- समाचार२०८२ जेष्ठ १७, शुक्रबार १९:३१भोजनलिपि स्वाद तेस्रो संस्करण आउँदै
