नीलकण्ठ नगरपालिकामा चक्रपथ कालोपत्रे गर्ने कार्य तीव्र
धादिङबेसी, जेठ १९ गते ।
धादिङको नीलकण्ठ नगरपालिकामा चक्रपथ कालोपत्रे गर्ने कार्य तीव्र गतिमा अगाडि बढेको छ । नगरपालिकाको गौरवको योजना अन्तर्गत रहेको चक्रपथ कालोपत्रे गर्ने कार्य तीव्र गतिमा अगाडि बढेको हो ।
नगरपालिकाको १४ वटै वडालाई जोड्ने ९५ किलोमिटर लामो चक्रपथमा पाँच स्थानबाट कालोपत्रे गर्ने कार्य सुरु भएको हो । हाल ससाह–ज्यामिरे खण्ड, हटिया जोड्ने खण्ड, गोलाभज्याङ खण्ड, वडा नम्बर ११ र १३ जोड्ने खण्ड, स्याउली भाङ्खर्क जोड्ने खण्ड तथा रघुमावि देखि खाल्टेसम्मको खण्डमा स्तरउन्नती तथा कालोपत्रे कार्य सञ्चालनमा आएको छ ।
यी खण्डहरूमा निर्माण कार्यका लागि विभिन्न लागत विनियोजन गरिएको छ । ससाह–ज्यामिरे खण्ड र हटिया जोड्ने सडकका लागि १० करोड रुपैयाँ बजेट छुट्याइएको छ ।
गोलाभज्याङ खण्डको लागि २ करोड रुपैयाँ योजना रहेको छ । वडा नम्बर ११ र १३ जोड्ने सडकखण्डका लागि ६५ लाख, स्याउली भाङ्खर्क जोड्ने खण्डको लागि ५० लाख र रघुमावि देखि खाल्टे जोड्ने सडकखण्डका लागि १ करोड रुपैयाँ बजेट विनियोजन गरिएको छ ।
नगरपालिकाले विभिन्न दातृ निकाय र संघ–संस्थाहरूसँग सहकार्य गरी आवश्यक बजेट संकलन गरेको छ । ती बजेटहरू नगरको समग्र विकासमा केन्द्रित गर्दै विभिन्न योजना सञ्चालन गरिरहेको छ ।
निर्वाचन अघि नगरबासीहरूसँग गरिएको प्रतिबद्धता सम्झेर काम गरिरहेको नेपाल नगरपालिका संघका अध्यक्ष तथा नीलकण्ठ नगरपालिकाका नगरप्रमुख भीम प्रसाद ढुंगानाले बताउनुभयो ।
चक्रपथ निर्माणपछि नगरभित्रको आवागमन सहज हुने उहाँले बताउनुभयो। आर्थिक, सामाजिक तथा पर्यटन विकासमा समेत सकारात्मक प्रभाव पर्ने अपेक्षा गरिएको ढुंगानाको भनाइ छ । उहाँले धादिङबेसी बजार भएर जाने सडकहरु कालोपत्रे धमाधम भईरहेको बताउनुभयो ।
धादिङबेसी–सुनौलाबजार–फोस्रेटार सडक, धादिङबेसी भर्याङभुरुङ सडक, धादिङबेसी धुवाँकोट सडक, धादिङबेसी खाल्टे सडक, दामन पाख्रिन सडक लगायत बजार क्षेत्र भएर जाने सडकहरु स्तरउन्नती सँगै कालोपत्रे गर्ने कार्य धमाधम भईरहेको नगर प्रमुख ढुंगानाले बताउनुभयो।
लेखकको बारेमा
- असल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।
लेखकसँग सम्बन्धित खबरहरु
समाचार२०८२ चैत्र २९, आईतवार २०:४२प्रधानमन्त्री र मन्त्रीहरूको सम्पत्ति विवरण सार्वजनिक,कसको सम्पत्ति कति ?- समाचार२०८२ चैत्र २९, आईतवार १९:१४२ वर्ष सरकारलाई विश्वास गर्नुहोस्, देशमा सुशासन र समृद्धिको लय सुरु भइसक्यो: सभामुख अर्याल
- खेलकुद२०८२ चैत्र २९, आईतवार १५:३७दक्षिणकालीमा भिरबाट कार खस्दा एक जनाको ज्यान गयो
- कला, विचार/मनोरञ्जन२०८२ चैत्र २९, आईतवार १२:२७राम लामा अविनाशीको ‘क्यार्यो कुन्नि तानसेन बजारले’ सार्वजनिक
