कालिका नगरपालिकाका २सय परिवारलाई सुधारिएको चुलो वितरण
चितवन- सामाजिक विकास तथा वातावरण संरक्षणमा सक्रिय संस्था सपना भिलेजले कालिका नगरपालिका वडा नं. १, ३, र ५ का २०० परिवारलाई सुधारिएको पोर्टे बल चुलो वितरण गरेको छ।
स्थानीय सरकारका प्रतिनिधिहरूको उपस्थितिमा सम्पन्न कार्यक्रममा चुलो वितरण गरिएको हो। यस अभियानमार्फत घरेलु वायु प्रदूषण घटाउने, इन्धनको खपत कम गर्ने र सर्वसाधारणको स्वास्थ्यमा सकारात्मक प्रभाव पार्ने अपेक्षा गरिएको छ।
कार्यक्रममा सपना भिलेजका अध्यक्ष ध्रुव गिरीले सुधारिएको चुलो प्रयोगले वन विनाशमा कमी, कार्बन उत्सर्जनमा नियन्त्रण र ऊर्जा– दक्षता सुनिश्चित गर्ने बताउनुभयो। उहाँले चुलो वितरणले स्वास्थ्य, सुरक्षासँगै वातावरणीय संरक्षणमा पनि योगदान पुग्ने विश्वास व्यक्त गर्नुभयो।
यो कार्यक्रम सपना भिलेजको ८० प्रतिशत लगानी र कालिका नगरपालिका तथा लाभग्राहीहरूको संयुक्त २० प्रतिशत लगानीमा सम्पन्न भएको हो।
सपना भिलेजको यो पहलले दिगो विकासका लागि स्थानीय स्तरमा भइरहेको सकारात्मक प्रयासको उदाहरण पेस गरेको छ।
लेखकको बारेमा
- असल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।
लेखकसँग सम्बन्धित खबरहरु
समाचार२०८२ माघ २०, सोमबार १४:२७विश्वमेध महायज्ञको तयारी अन्तिम चरणमा- कला, विचार/मनोरञ्जन२०८२ माघ २०, सोमबार ११:१९पूर्वी नेपालमा ‘कुमारी’मय माहौल: केहरको गीत र अबिषेक र आकृतिको नृत्यमा झुम्यो पूर्व, गृह नगरमा भावुक बने अबिषेक
- स्वास्थ्य/जानकारी टिप्स२०८२ माघ २०, सोमबार १०:५०अधिकांशमा आँखाको समस्या « रिपोर्टर्स नेपाल
- खेलकुद२०८२ माघ २०, सोमबार ०८:१७पाकिस्तानले भारतसँग टी–२० विश्वकप नखेल्ने
