नीलकण्ठ नगरपालिकाको गत आर्थिक बर्षको बार्षिक समिक्षा सम्पन्न

धादिङ,२ असोज
धादिङको नीलकण्ठ नगरपालिकाले आर्थिक बर्ष ०८१/०८२ को नीति,योजना तथा कार्यक्रमको बार्षिक समिक्षा कार्यक्रम सम्पन्न गरेको छ। नीलकण्ठ नगरपालिकाको आफ्नै सिटी सभाहलमा आयोजना गरेको समिक्षा कार्यक्रममा नगर कार्यपालिकाका सदस्य, बिषयगत शाखा अन्तर्गतका सम्पुर्ण शाखाहरूबाट गत आर्थिक बर्षको नगरपालिकामा सम्पन्न वार्षिक प्रगति प्रस्तुत गरिएको थियो ।नीलकण्ठ नगरपालिकाका प्रमुख प्रशासकीय अधिकृत हरिदत्त कंडेलको अध्यक्षतामा सम्पन्न भएको कार्यक्रममा नगर उपप्रमुख दिपक विश्वकर्माको विशेष आतिथ्यता रहेको थियो ।समिक्षा कार्यक्रममा बोल्दै नगर–उपप्रमुख दिपक विश्वकर्माले नगरपालिकाको समग्र बिकासका लागि कर्मचारी र जनप्रतिनिधी मिलेर अगाडी बढ्नुपर्ने बताउनुभयो। नगरपालिकाले सारेका आयोजनाहरुको समयमै काम सम्पन्न भएकोमा खुसी ब्यक्त गर्दै जनताको पक्षमा गुनासो नआउने गरी काम गर्नको लागि आग्रह गर्नुभयो ।

सो अवसरमा बोल्दै प्रमुख प्रशासकीय अधिकृत हरिदत्त कंडेलले नगरको समृद्धिका लागी सबैको सहयोग अपरिहार्य रहेको बताउनुभयो ।उहाँले नगरका हरेक गतिबिधिलाई जनताको नजिक लैजानुपर्ने र बिकाससंग जोड्नुपर्ने बताउनुभयो । हालसम्मको नगरपालिकाको समग्र कार्य उत्कृस्ट रहेको भन्दै उहाँले जनतालाई सेवा दिने पक्षमा कुनै कसर बाँकी नराखी काम गर्न कर्मचारीहरुलाई दिर्नेशन दिनुभयो । समिक्षा कार्यक्रममा बरिष्ठ जनस्वास्थ्य अधिकृत विष्णु प्रसाद रिजाल,बरिष्ठ लेखा अधिकृत आर्जन श्रेष्ठ,प्रशासन शाखा प्रमुख लोकनाथ उपाध्याय,योजना शाखा प्रमुख विवेक खतिवडा,१४ वटै वडाका वडा सचिवहरुले आ आफ्नो वडाको बार्षिक समिक्षा गर्नुभएको थियो ।

लेखकको बारेमा

असल खबरअसल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।