निर्देशक मिलन तामाङको नयाँ फिल्म ‘कहाँ भेटिएला’ घोषणा

निर्देशक मिलन तामाङको नयाँ फिल्म ‘कहाँ भेटिएला’ घोषणा

काठमाडौं । फिल्म ‘माइतीघर’बाट सफलता हासिल गरेका निर्देशक मिलन तामाङले आफ्नो नयाँ फिल्म ‘कहाँ भेटिएला’ को औपचारिक घोषणा गरेका छन् ।

निर्माण टिमका अनुसार यस फिल्मको छायाङ्कन आगामी चैत २० गतेबाट सुरु हुने र जेठ महिनाको अन्त्यसम्म पूरा गर्ने योजना छ । यद्यपि, फिल्मका गीतको दृश्य भने माघ महिनामै छायाङ्कन हुने निर्माण पक्षको भनाइ छ । यस फिल्मको प्रदर्शन मिति भने अहिले तय गरिएको छैन ।

निर्देशक तामाङले अहिले फिल्मको नाम (टाइटल) मात्र सार्वजनिक गरेका छन् । उनले केही दिनपछि फिल्मका सम्पूर्ण कलाकार र प्राविधिकहरूको बारेमा जानकारी दिने बताए । “अहिले फिल्मको टाइटल मात्र रिलिज गरेका हौँ,” उनले भने, “केही दिनमा फिल्मका कलाकार र प्राविधिकहरूको बारेमा जानकारी दिँदै जानेछौँ ।”

मिलन तामाङले ‘माइतीघर’बाट निर्देशन यात्रा सुरु गरेका थिए । दशैंको फूलपातीमा एकसाथ प्रदर्शनमा आएका तीन फिल्म ‘हरि बहादुरको जुत्ता’, ‘बलिदान’ र ‘माइतीघर’ मध्ये ‘माइतीघर’लाई दर्शकले निर्देशनका हिसाबले सबैभन्दा राम्रो मानेका छन् ।

‘माइतीघर’ले बक्सअफिसमा राम्रो व्यापार मात्र गरेन, यसले निर्देशक मिलन तामाङको नामलाई नेपाली फिल्म क्षेत्रमा स्थापित गरिदियो । सोही कारण उनले २०८२ सालको ‘नम्बर १ डेब्यु निर्देशक’ को उपाधि समेत हात पारेका छन् । उनी फिल्म, एनिमेशन, क्लासिकल म्युजिक र अभिनयको गहिरो अध्ययनमा पारङ्गत मानिन्छन् ।

फिल्म विश्लेषकहरूका अनुसार मिलन तामाङ र ‘माइतीघर’ दुवै अहिले देशभर चर्चाको विषय बनेका छन् । उनका समर्थकहरूले उनले ‘बलिदान’ जस्ता ठूला बजेटका फिल्मलाई समेत प्रतिस्पर्धा दिँदै नेपाली फिल्म निर्देशनमा नयाँ स्तर स्थापित गरेको बताउँछन् ।

‘माइतीघर’को शो अझै पनि देशभर चलिरहेको छ र फिल्मले राम्रो प्रतिक्रिया पाइरहेको समयमा निर्देशक तामाङले भने, “‘कहाँ भेटिएला’ लाई अझ ‘नेक्स्ट लेभल’ मा बनाएर दर्शकलाई नयाँ अनुभूति दिनेछु ।”

लेखकको बारेमा

असल खबरअसल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।

Leave a Reply

Your email address will not be published. Required fields are marked *

Prove your humanity: 5   +   5   =  

Protected by Spam Master