गंगाजमुना गाउँपालिका वडा नम्बर ३ मा ७५७ जनालाई राष्ट्रिय परिचयपत्र वितरण

धादिङबेशी । गंगाजमुना गाउँपालिका वडा नम्बर ३ मा राष्ट्रिय परिचयपत्र वितरण कार्यक्रम सम्पन्न भएको छ । असोज २५ गतेदेखि सुरु गरिएको परिचयपत्र बितरण कार्यक्रम बिहिबार सम्पन्न भएको हो ।
कार्यक्रममा ७५७ जनालाई राष्ट्रिय परिचयपत्र कार्ड वितरण गरिएको र ७८ जनाले नयाँ फारम भरेका थिए । वडाभित्र राष्ट्रिय परिचयपत्र नबनाएका नागरिकहरूलाई लक्षित गरी सञ्चालन गरिएको यस अभियानले वडावासीहरूलाई सहज सेवा पु¥याउन मद्दत गरेको वडा अध्यक्ष राजकुमार गुरुङले बताउनु भएको छ ।

वडा अध्यक्ष गुरुङका अनुसार, वृद्ध, अशक्त र अपाङ्गता भएका नागरिकहरूको सहजताका लागि टोली स्वयं घरघरमै पुगेर राष्ट्रिय परिचयपत्र वितरण गरिएको थियो । उहाँले यस कार्यलाई सामाजिक उत्तरदायित्वको रूपमा लिएको बताउनुभएको छ । यस अभियानले विशेष गरी दुर्गम बस्ती र शारीरिक रूपमा अपांग, वृद्दवृद्दा र सहजै जिल्ला प्रशासन कार्यलय पुगेर राष्ट्रय परिचयपत्र बनाउन नसक्ने नागरिकलाई राहत मिल्ने लक्ष्य राखिएको थियो ।

जिल्ला प्रशासन कार्यालय धादिङले राष्ट्रिय परिचयपत्र कार्ड लिन बाँकी रहेका वा नयाँ फारम भर्न बाँकी रहेका उक्त क्षेत्रका नागरिकहरुले जिल्ला प्रशासन कार्यालय धादिङमै पुगेर सेवा लिन सक्ने जानकारी दिएको छ ।

लेखकको बारेमा

असल खबरअसल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।