लाङ्घाली बहुउद्देश्यीय सहकारी संस्थाको १८औं वार्षिक साधारणसभा धादिङबेसीमा सम्पन्न

धादिङ,१० कार्तिक ।

नीलकण्ठ नगरपालिका,ज्वालामुखी गाउँपालिका र सिद्धलेक गाउँपालिकालाई कार्यक्षेत्र बनाँएर स्थापना गरिएको लाङ्घाली बहुउद्देश्यीय सहकारी संस्था लिमिटेड धादिङको १८औं वार्षिक साधारणसभा सोमबार सम्पन्न भएको छ। संस्थाका अध्यक्ष रामबहादुर आले मगरको अध्यक्षतामा सम्पन्न सभामा नेपाल नगरपालिका संघका अध्यक्ष तथा नीलकण्ठ नगरपालिकाका नगर प्रमुख भिमप्रसाद ढुंगाना प्रमुख आतिथ्यता रहेको थियो । साधारण सभामा सहकारीका पुर्व पदाधिकारी लगायत अन्य सहकारीका पदाधिकारीहरुको आतिथ्यता रहेको थियो । साधार सभापका संस्थाका अध्यक्ष रामबहादुर आले,सचिव भोजबहादुर थापा मगर र कोषाध्यक्षहरि थापा मगरले संस्थागत आ–आफ्नो प्रतिवेदन प्रस्तुत गर्नुभएको थियो ।

सहकारीको आर्थिक वर्ष २०८१र०८२ सम्मको विवरणअनुसार शेयर पूँजी ३६ लाख ३५ हजार ४०० रुपैयाँ पुगेको छ भने कुल बचत १ करोड ८८ लाख ८६ हजार ७२२ रुपैयाँ ५९ पैसा रहेको छ। सोही अवधिसम्म सहकारीको बैंक डिपोजिट ४० लाख ९५ हजार २४९ रुपैयाँ १० पैसा र ऋण लगानी २ करोड १२ लाख ८० हजार ८६५ रुपैयाँ पुगेको छ। ऋण लगानीबाट २७ लाख २९ हजार ८९७ रुपैयाँ ५७ पैसा ब्याज आम्दानी भएको छ भने बैंकबाट प्राप्त ब्याज ६१ हजार २९१ रुपैयाँ रहेको छ। संस्थाले चालु आर्थिक वर्षसम्म ९ लाख ७३ हजार ११ रुपैयाँ २५ पैसा खुद नाफा आर्जन गरेको छ। सहकारीको तरलता दर १५ प्रतिशत रहेको सचिव थापा मगरले जानकारी दिनुभयो।

साधारणसभाको अवसरमा संस्थाका संस्थापक सदस्य वीरबहादुर आले मगरलाई खादा र माला लगाएर सम्मान गरिएको थियो। त्यस्तै, संस्थाका असल ऋणीहरू र असल बचतकर्ताहरूलाई समेत प्रशंसा पत्र र सम्मानका साथ गौरव गरिएको थियो।कार्यक्रममा सहकारीका पदाधिकारी, सदस्य, सरोकारवालाहरू र अतिथिहरूको उपस्थितिमा आगामी वर्षका योजनाबारे पनि छलफल गरिएको थियो। सचिव थापा मगरका अनुसार संस्था आगामी वर्षमा सदस्य हितमुखी कार्यक्रम, पूँजी विस्तार र डिजिटल प्रणाली सुदृढीकरणमा ध्यान केन्द्रित गर्ने योजना रहेको छ।कार्यक्रमलाई सम्बोधन गर्नुहुदै नगर प्रमुख तथा कार्यक्रमका प्रमुख आतिथी भीमप्रसाद ढुंगानाले नीलकण्ठ नगरपालिकाले सहकारीहरुको संस्थागत क्षमता विकास लगायतको क्षेत्रमा काम गरीरहेको बताउनुभयो ।

मगर समुदाय मिलेर स्थापना गरीएको संस्थाले आयआर्जन बढाउने खालको कार्यक्रम ल्याउनुपर्ने बताउनुभयो । नगरपालिकाले मगर समुदायको क्षेत्रमा विगतदेखीनै आफ्नो क्षमता अनुसारको सहयोग गरीरहेको भन्दै उहाँले आगामी दिनमा पनि सहयोगलाई निरन्तरता दिने बताउनुभयो । २०६५ साल असोज ६ गते डिभिजन सहकारी कार्यालय धादिङमा दर्ता भई सञ्चालनमा आएको सो संस्था हाल ३५० जना बालबचत सदस्य र ५७ जना दैनिक बचतकर्तासहित सक्रिय रूपमा सेवा विस्तार गर्दै आएको छ।

लेखकको बारेमा

असल खबरअसल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।