साना तथा मझौला कृषि व्यवसायीका लागि धादिङबेसीमा क्षमता विकास कार्यशाला

धादिङ, कात्तिक २७ गते ।
धादिङबेसीमा व्यवसाय योजना र मुल्य शृंखलामा क्षमता विकास कार्यशाला सम्पन्न भएको छ । एक्सन नेपाल र डिसिए नेपालको आर्थिक तथा प्राविधिक सहयोग र नीलकण्ठ नगरपालिकाको समन्वयमा तीन दिने कार्यशाला सम्पन्न भएको हो ।

व्यवसायको योजना तर्जुमा, निरन्तरता र मुल्य श्रृंखला सम्बन्धि क्षमता विकास गर्ने उद्धेश्यले कार्यशाला आयोजना गरिएको एक्सन नेपालका कार्यकारी निर्देशक कमलराज ढुंगानाले बताउनुभयो ।

कार्यशाला नीलकण्ठ नगरपालिका क्षेत्रभित्रका मेयर उद्यमशील कार्यक्रमअन्तर्गत सहुलियत व्याजमा ऋण लिएर व्यवसाय सञ्चालन गरिरहेका साना तथा मझौला कृषि व्यवसायीहरूको सहभागिता रहेको थियो ।

सहभागीहरूले कार्यशाला प्रभावकारी भएको प्रतिक्रिया दिएका छन्। उनीहरूले कार्यशालाबाट व्यवसाय योजना तयार गर्ने प्रक्रिया, व्यवसाय विस्तार र निरन्तरता, सरोकारवाला निकायहरूसँगको समन्वय, बजारीकरण तथा वस्तु र सेवाको उचित मूल्य प्राप्त गर्ने तरिका सिक्न पाउँदा खुसी व्यक्त गरेका छन्।

लेखकको बारेमा

असल खबरअसल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।