बारा घटनापछि सुरक्षा रणनीतिका बारेमा छलफल

काठमाडौँ- बारामा हिजोदेखि भएको झडप र प्रदर्शनको विषयलाई लिएर आज सुरक्षा परिषद्को बैठक बस्यो ।

केहीवेर अघि सम्पन्न बैठकमा बारा घटना र त्यसले पार्न सक्ने सुरक्षा चुनौति तथा आगामी दिनमा अपनाउनुपर्ने रणनीतिवारे छलफल भएको हो ।

प्रधानमन्त्री सुशीला कार्कीले बोलाउनु भएको बैठकमा सुरक्षा निकायका प्रमुखहरुले सुरक्षा अवस्था र त्यसले पार्न सक्ने प्रभावका वारेमा जानकारी गराउनु भएको प्रधानमन्त्रीको सचिवालयले जनाएको छ ।

हिजो बारामा जेन-जी युवा र एमालेका कार्यकर्तावीच झडप भएपछि सिमरामा आज पनि प्रदर्शन भएको थियो ।

आज विहानैदेखि जेन-जी युवहरुले प्रदर्शन गर्न थालेपछि प्रशासनले आज राति ८ बजेसम्मका लागि कर्फ्यू आदेश जारी गरेको छ ।।

लेखकको बारेमा

असल खबरअसल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।