विद्यालयको विकासमा महत्वपूर्ण योगदान पु¥याउने अधिकारीलाइ सम्मान गरिने

धादिङ, ०८ मङ्सिर ।
धादिङको नेत्रावती डबजोङ गाउँपालिका–१स्थित निरञ्जना माध्यमिक विद्यालयमा ४७ वर्षसम्म आफ्नो सेवामार्फत विद्यालयको विकासमा महत्वपूर्ण योगदान पु¥याउने कार्यलय सहयोगी भक्तबहादुर अधिकारीप्रति पूर्वविद्यार्थी र शिक्षकहरूले थप सम्मान व्यक्त गर्ने भएका छन्।

पहिले अधिकारीलाई रु. २०,०५६ सहित सम्मानपत्र प्रदान गर्ने तयारी गरिएको थियो। तर, विद्यालयमा वर्षौँसम्म समर्पित भएर काम गरेका अधिकारीप्रति कृतज्ञता व्यक्त गर्न पूर्वविद्यार्थी तथा पूर्वशिक्षकहरू स्वतःस्फूर्त रूपमा अभियानमा जोडलिँदै जाँदा सम्मानको रकम बढेर रु. २६,१५६ पुगेको “निरञ्जना मावि पूर्वविद्यार्थी ब्याच–२०५६” का मुख्य व्यवस्थापक काजीराम अधिकारीले जानकारी दिनुभयो ।

पेन्सन र उपदानबिना चार दशकभन्दा बढी सेवा समर्पण गरेका अधिकारीलाई विद्यालयको वार्षिक उत्सवकै क्रममा सम्मान गर्ने तयारी मिलाइएको आयोजकले जनाएका छन्। यो सम्मानलाई विद्यालय समुदायले लामो सेवाप्रति गरिने कृतज्ञताको निरन्तरता र प्रेरणाको स्रोतका रूपमा लिएको छ।

लेखकको बारेमा

असल खबरअसल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।