दार्खास्थित खनियाबास ग्रामिण अस्पतालमा निःशुल्क विशेषज्ञ स्वास्थ्य शिविर हुने

धादिङ,१० मंसिर

धादिङको खनियाबास गाउँपालिमा बृहत निःशुल्क स्वास्थ्य शिविर हुने भएको छ । मंसिर २६ गते र २७ गते दार्खा स्थित खनियाबास ग्रामिण अस्पतालम शिविर हुने भएको हो । अन्तराष्ट्रिय धादिङ समाजको आयोजना र धादिङ समाज अमेरिकाको सहकार्यमा सन्चालन हुने शिविरको प्राविधिक सहयोग मनमोहन मेमोरियल मेडिकल कलेज तथा शिक्षण अस्पतालले गर्ने छ । शिविरको स्थानीय सहयोगीहरुमा खनियावास गाउँपालिका र डिपिन रहेको छ । ग्रामीण बस्तीका नागरिकलाई घर नजिक विशेषज्ञ सेवा उपलब्ध गराउने उद्देश्यले कार्यक्रम सञ्चालन गर्न लागिएको अन्तराष्ट्रिय धादिङ समाजका अध्यक्ष राजन खकुरालले जानकारी दिनुभयो ।

शिविरमा जनरल फिजिसियन,महिला रोग विशेषज्ञ,डेण्डल र हार्ड जोर्नी विशेषज्ञ सेवा उपलब्ध हुनेछ ।शिविर मंसिर २६ गते बिहान ९ बजेदेखी ५ बजे सम्म र मंसिर २७ गते बिहान ९ बजेदेखी १ बजेसम्म सन्चालन हुनेछ ।स्वास्थ्य शिविरले धादिङको खनियाबास आसपासका बासिन्दालाई प्रत्यक्ष लाभ पुग्ने र शिविरमा सहभागी भई सेवा लिन अन्तराष्ट्रिय धादिङ समाजका महासचिव बाबुकाजी भण्डारीले आग्रह गर्नुभएको छ ।

लेखकको बारेमा

असल खबरअसल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।